Pitani ku nkhani yake

Pitani ku menyu yachiwiri

Mboni za Yehova

Chichewa

Kodi Pali Munthu Amene Angadziwe Amene Analembadi Baibulo?

Kodi Pali Munthu Amene Angadziwe Amene Analembadi Baibulo?

Yankho la m’Baibulo

Anthu ambiri amauzidwa kuti sitingadziwe anthu amene analemba Baibulo. Koma Baibulo nthawi zambiri limanena mosapita m’mbali za anthu amene analemba nkhani zake. Mabuku ena a m’Baibulo amayamba ndi mawu monga akuti, “awa ndi mawu a Nehemiya,” “masomphenya amene Yesaya . . . anaona” ndiponso “Yehova analankhula kudzera mwa Yoweli.”—Nehemiya 1:1; Yesaya 1:1; Yoweli 1:1.

Anthu ambiri amene analemba Baibulo ananena kuti Yehova, Mulungu woona, ndi amene anawauza zomwe analembazo. Mwachitsanzo, aneneri amene analemba Malemba Achiheberi ananena maulendo oposa 300 kuti: “Yehova wanena kuti.” (Amosi 1:3; Mika 2:3; Nahumu 1:12) Anthu ena amene analemba nawo Baibulo, anauzidwa ndi angelo uthenga wochokera kwa Mulungu kuti alembe.—Zekariya 1:7, 9.

Baibulo linalembedwa ndi amuna pafupifupi 40 kwa zaka 1,600. Anthu ena anauziridwa kulemba mabuku angapo a m’Baibulo. Ndipotu m’Baibulo lonse muli mabuku 66. Mabuku 39 a m’Baibulo ndi a Malemba Achiheberi, omwe anthu ambiri amawatcha Chipangano Chakale. Mabuku 27 ndi a Malemba Achigiriki, omwe nthawi zambiri amatchedwa Chipangano Chatsopano.

 

Onaninso

UTHENGA WABWINO WOCHOKERA KWA MULUNGU

Kodi Tingadziwe Bwanji Kuti Baibulo Limanena Zoona?

Ngati Baibulo linachokeradi kwa Mulungu, ndiye kuti liyenera kukhala losiyana kwambiri ndi mabuku ena onse.