Zokhudza screen reader

Sankhani chinenero

Pitani ku menyu yachiwiri

Pitani ku nkhani yake

Mboni za Yehova

Chichewa

NOVEMBER 11, 2014
HONDURAS

Ku Honduras Kunachitika Ngozi Yoopsa ya Basi

Ku Honduras Kunachitika Ngozi Yoopsa ya Basi

Pa October 31, 2014, mam’mawa, basi yomwe inatenga a Mboni za Yehova 57, omwe anadzipereka kukagwira ntchito yophunzitsa anthu Baibulo ku Las Flores Lempira, inachita ngozi ikuchokera ku San Carlos Choloma. Dalaivala wa basiyi komanso a Mboni 13 anamwalira. Pa anthu a Mboni omwe anamwalirawa panali atsikana awiri azaka 14 ndi mtsikana mmodzi wazaka 8. Anthu 44 omwe anapulumuka anatengedwera kuchipatala kuti akaonedwe ngati avulala. Awiri okha anavulala kwambiri koma panopa anatulutsidwa. A Mboni akutonthoza anthu okhudzidwa ndi ngoziyi komanso akuwathandiza m’njira zosiyanasiyana. Pa November 1, 2014, mwambo woika m’manda anthu 9 omwe anamwalira pangoziyi unachitikira ku Choloma ndipo kunali anthu pafupifupi 3,000.

A José Castillo, omwe amalankhula moimira Mboni za Yehova ku Honduras, ananena kuti: “Tinayamikira kwambiri mmene anthu komanso mabungwe osiyanasiyana anathandizira anthu okhudzidwa ndi ngoziyi.”

Kuchokera M’mayiko Ena:

Lankhulani ndi: J. R. Brown, Office of Public Information, tel. +1 718 560 5000

Honduras: José Castillo Adriano, tel. +504 9998 0895

Mexico: Gamaliel Camarillo, tel. +52 555 133 3048