Pitani ku nkhani yake

FEBRUARY 23, 2018
RUSSIA

Khoti la ku Oryol Lagamula kuti Dennis Christensen Akhalebe M’ndende

Khoti la ku Oryol Lagamula kuti Dennis Christensen Akhalebe M’ndende

Pa 22 February 2018, Woweruza Aleksey Rudnev wa khoti la mumzinda wa Oryol anagamula kuti Dennis Christensen akhalebe m’ndende mpaka 1 August 2018 podikira kuzengedwa mlandu. A Christensen akuimbidwa mlandu wogwira ntchito ya chipembedzo chomwe boma linanena kuti chimachita zinthu zobweretsa chisokonezo. Iwo anamangidwa mu May 2017 pamene apolisi anafika pamsonkhano wachipembedzo umene a Christensen ankachita nawo.

Woweruza anayamba kumvetsera mlanduwu pa 19 February ndipo sanapereke chigamulo pa zimene maloya onse anali atapempha. Koma pa 22 February, woweruza anakana zimene maloya a a Christensen anapempha ndipo anagamula kuti a Christensen akhalebe m’ndende. Mlandu udzayamba kuzengedwa pa 26 February nthawi ya 2:30 masana.

A Mboni za Yehova padziko lonse akudera nkhawa a Christensen ndipo akupemphera kuti mkazi wawo dzina lake Irina apitirize kupirira pa nthawi imene mwamuna wake kulibe. Panopa a Christensen akhala m’ndende kwa miyezi 9.