ONANI

(Miyambo 2:1)

  1. 1. Pali buku limene mawu ake,

    Amatibweretsera chimwemwe.

    Mfundo zake zodabwitsa n’zamphamvu;

    Zimathandiza ’khungu kuona.

    Bukuli ndi Baibulo loyera.

    Olilemba anauziridwa,

    Ankakonda Yehova M’lungu wawo,

    Mzimu wake unawathandiza.

  2. 2. Analemba zokhudza chilengedwe,

    Mmene M’lungu anachilengera.

    Analembanso za Paradaiso

    Ndiponsotu mmene anathera.

    Analemba za mngelo winawake

    Amene ananyoza Yehova.

    Zinabweretsa chisoni pa anthu,

    Koma Yehova adzapambana.

  3.  3. Masiku ano tikusangalala

    Ufumu wa Mulungu wayamba.

    Yehova ’kupatsa chipulumutso

    Kwa onse omwe amamukonda.

    M’buku lake muli zosangalatsa;

    Chakudya chamwanaalirenji.

    Limatipatsa mtendere wambiri;

    N’lofunika kuliwerengadi.