Zokhudza screen reader

Sankhani chinenero

Pitani ku menyu yachiwiri

Pitani ku mitu ya nkhani

Pitani ku nkhani yake

Mboni za Yehova

Chichewa

NSANJA YA OLONDA NA. 4 2016

 NKHANI YA PACHIKUTO | BAIBULO—BUKU LOMWE LINAPULUMUKA M’ZAMBIRI

N’chifukwa Chiyani Baibulo Linapulumuka

N’chifukwa Chiyani Baibulo Linapulumuka

Masiku ano mukhoza kupeza ndiponso kuwerenga Baibulo mosavuta. Ndipo ngati mwasankha Baibulo lomwe linamasuliridwa molondola, m’posavuta kutsimikizira kuti uthenga wake ndi wochokeradi m’mipukutu yoyambirira ya Baibulo. * M’nkhani zapitazi taona kuti Baibulo linapulumuka ngakhale kuti likanatha kuwola, anthu ena ankalitsutsa, komanso ankafuna kusintha uthenga wake. Koma n’chifukwa chiyani linapulumuka modabwitsa chonchi?

“Panopa sindikukayika ngakhale pang’ono kuti Baibulo lomwe ndili nalo ndi mphatso yochokera kwa Mulungu”

Anthu ambiri amene akuphunzira Baibulo amavomereza zomwe mtumwi Paulo analemba kuti: “Malemba onse anauziridwa ndi Mulungu.” (2 Timoteyo 3:16) Anthuwa amakhulupirira kuti Baibulo linapulumuka chifukwa chakuti ndi Mawu a Mulungu komanso Iye analiteteza. Faizal yemwe watchulidwa m’nkhani yoyambirira, anaganiza zoyamba kuphunzira Baibulo pofuna kutsimikizira zimenezi. Iye anadabwa ataona kuti zinthu zambiri zimene anthu amaphunzitsa m’matchalitchi awo sizichokera m’Baibulo. Faizal anachita chidwi kwambiri ataphunzira cholinga cha Mulungu chokhudza dziko lapansi kuchokera m’Baibulo.

Iye ananena kuti: “Panopa sindikukayika ngakhale pang’ono kuti Baibulo lomwe ndili nalo ndi mphatso yochokera kwa Mulungu. Komanso ngati Mulungu yemwe ndi Wamphamvuyonse anakwanitsa kulenga chilengedwechi, kodi angalephere kutipatsa buku ndi kuliteteza kuti tiziliwerenga? Munthu yemwe angatsutse zimenezi ndiye kuti akuderera mphamvu za Mulungu, yemwe ndi Wamphamvuyonse, nanga ine ndani kuti ndichite zimenezi?”Yesaya 40:8.

^ ndime 3 Onani nkhani yakuti, “Kodi Mungadziwe Bwanji Baibulo Lomasuliridwa Bwino?” mu Nsanja ya Olonda ya May 1, 2008.

Onaninso

Baibulo Ndi Buku Lothandiza Kwambiri

Anthu ambiri amaona kuti Baibulo ndi buku lofunika, koma sadziwa kuti lingawathandize kwambiri pa moyo wawo.