Zokhudza screen reader

Sankhani chinenero

Pitani ku menyu yachiwiri

Pitani ku mitu ya nkhani

Pitani ku nkhani yake

Mboni za Yehova

Chichewa

GALAMUKANI! JANUARY 2015

 NKHANI YA PACHIKUTO

Kodi Moyo Unayamba Bwanji?

Kodi Moyo Unayamba Bwanji?

Pa ziganizo zili kumanjazi,

NDI CHITI CHOMWE MUKUONA KUTI NDI CHOLONDOLA?

  1. ZAMOYO ZINACHITA KUSINTHA KUCHOKERA KU ZINTHU ZINA

  2. ZAMOYO ZINACHITA KULENGEDWA

ANTHU ena angaganize kuti asayansi anganene kuti chiganizo cholondola ndi choyambacho, pomwe anthu amene amakhulupirira kuti kuli Mulungu angati cholondola ndi chachiwiricho.

Komatu si asayansi onse omwe amakhulupirira kuti zamoyo zinachita kusintha kuchokera ku zinthu zina.

Mwachitsanzo, wasayansi wina wa pa yunivesite ya McMaster ku Canada, dzina lake Rama Singh, anati: “Amene amatsutsa zoti zamoyo zinachokera ku zinthu zina, si anthu okha omwe amakhulupirira kuti Mulungu ndi amene analenga zinthu. Palinso anthu ambiri ophunzira kwambiri amene amatsutsa zimenezi.”

Wasayansi winanso dzina lake Gerard, yemwe anaphunzira zoti zinthu zamoyo zinasintha kuchokera ku zinthu zina, anati: “Polemba mayeso, ndinkalemba zoti zamoyo zinachokera ku zinthu zina. Koma sikuti ndinkazikhulupirira. Ndinkangolemba zimenezi n’cholinga choti ndikhoze.”

Koma kodi n’chifukwa chiyani asayansi ena zimawavuta kukhulupirira kuti zamoyo zinachokera ku zinthu zina? Kuti tiyankhe funsoli, choyamba tiyeni tikambirane mafunso amene amazunguza mutu akatswiri akachita kafukufuku pa nkhaniyi. Mafunso ake ndi awa: (1) Kodi moyo unayamba bwanji? (2) Kodi mitundu yosiyanasiyana ya zamoyo inachokera kuti?