Pitani ku nkhani yake

Pitani ku menyu yachiwiri

Pitani ku mitu ya nkhani

Mboni za Yehova

Chichewa

Buku Lapachaka la Mboni za Yehova la 2014

Sierra Leone ndi Guinea

Sierra Leone ndi Guinea

ZAKA pafupifupi 500 zapitazo, mtengo wa kotoni unamera pamalo amene mtsinje wa Sierra Leone umathirira m’nyanja. Kwa zaka 300, anthu akagwira akapolo ankadutsa nawo pafupi ndi mtengo umenewu. Anthu ankhanzawo anagwira amuna, akazi ndi ana pafupifupi 150,000 ndipo ankawakweza sitima zapamadzi kuti akawagulitse kumayiko ena akutali.

Mtengo wa Kotoni wa ku Freetown

 Pa March 11, 1792, anthu ambirimbiri amene anamasulidwa ku ukapolo ku America anasonkhana pansi pa mtengowu posangalalira kuti abwerera ku Africa. Chifukwa cha chisangalalo chimenechi, malo amene anafikirawa anawapatsa dzina loti Freetown. Akapolo amene anamasulidwa ankafikabe pamalowa mpaka panali anthu a mitundu pafupifupi 100. Anthu amenewa anayamba kuona kuti mtengo umene unali pamalowo ndi chizindikiro cha ufulu komanso tsogolo labwino.

Mboni za Yehova za ku Sierra Leone zakhala zikulimbikitsa anthu kwa zaka pafupifupi 100 tsopano. Zimawauza za “ufulu waulemerero wa ana a Mulungu,” womwe ndi waukulu kwambiri kuposa ufulu wina uliwonse. (Aroma 8:21) Ufumu wa Mulungu ukadzabweretsa mtendere komanso Paradaiso padziko lapansi, anthu adzamasuka ku ukapolo wa uchimo ndi imfa.—Yes. 9:6, 7; 11:6-9.

Pa zaka 50 zapitazi, ofesi ya nthambi ya ku Sierra Leone yakhala ikuyang’aniranso ntchito yolalikira m’dziko la Guinea. M’dzikoli mwakhala mavuto osiyanasiyana monga azandale komanso azachuma ndipo izi zachititsa kuti anthu ambiri azimvetsera uthenga wolimbikitsa wa m’Baibulo.

Abale ndi alongo ku Sierra Leone ndi ku Guinea amalalikira uthenga wabwino ngakhale kuti akhala akukumana ndi mavuto ambiri. Amakumana ndi mavuto chifukwa cha zinthu ngati umphawi, kusaphunzira, miyambo ya kumeneko, ziwawa ndiponso kusiyana mitundu. Nkhani yotsatira ikusonyeza kuti iwo ndi okhulupirika ndiponso odzipereka kwambiri kwa Yehova. Tikukhulupirira kuti musangalala ndi nkhaniyi ndipo ikuthandizani kuti muzikhulupirira kwambiri “Mulungu amene amapereka chiyembekezo.”—Aroma 15:13.

M'CHIGAWO ICHI

Mfundo Zachidule Zokhudza Mayiko a Sierra Leone ndi Guinea

Werengani kuti mudziwe mmene mayikowa alili, anthu ake, chipembedzo komanso zilankhulo.

Kuyambira mu 1915 mpaka 1947 Kale (Gawo 1)

Mu Mboni yobatizidwa inafika ku Freetown ndipo anthu ambiri ankafuna kuphunzira Baibulo.

Kuyambira mu 1915 mpaka 1947 Kale (Gawo 2)

Atsogoleri achipembedzo ankafuna kusokoneza anthu a Mulungu koma Yehova ‘anawabwezera zoipa zawo.’

Kuyambira mu 1915 mpaka 1947 Kale (Gawo 3)

Abale ndi alongo a mumpingo wa ku Freetown “anatanganidwa kwambiri ndi ntchito yolalikira mawu a Mulungu.”

“Mufa Chaka Chisanathe”

Kawiri pa mlungu, Zachaeus ankayenda mtunda wa makilomita 8 kudutsa phiri, kuti akasonkhane ndi Mboni za Yehova. Kodi anadziwa bwanji kuti wapeza chipembedzo choona?

Anamupatsa Dzina Loti “Baibulo” Brown

William R. Brown analalikira kuzilumba za Caribbean ndi ku West Africa. Werengani kuti mudziwe chifukwa chake ankaona kuti ali ndi mwayi waukulu kwambiri.

Kuyambira mu 1945 mpaka 1990 ‘Kuthandiza Anthu Kukhala Olungama’—Dan. 12:3. (Gawo 1)

Ntchito yolalikira inawonjezeka kwambiri. Amishonale anathandiza anthu ambiri kuyamba kuphunzira choonadi.

Ankafunitsitsa Kuionera

Mu 1956, filimu ya ‘The New World Society in Action’ inaonetsedwa ku Freetown, Sierra Leone. Kodi anthu anabwera kudzaionera?

Kuyambira mu 1945 mpaka 1990 ‘Kuthandiza Anthu Ambiri Kukhala Olungama’—Dan. 12:3. (Gawo 2)

Anthu ku Sierra Leone amadziwa kuti Mboni za Yehova zimalemekeza ukwati.

Kuyambira mu 1945 mpaka 1990 ‘Kuthandiza Anthu Ambiri Kukhala Olungama—Dan. 12:3. (Gawo 3)

N’chifukwa chiyani anthu andale amene anali m’gulu la Poro ankafuna kuti boma liletse ntchito ya Mboni za Yehova?

Magulu Ochita Zamizimu

Kodi anthu a ku West Africa amakhudzidwa bwanji ndi zochita za maguluwa?

Kuyambira mu 1945 mpaka 1990 ‘Kuthandiza Anthu Ambiri Kukhala Olungama’—Dan. 12:3. (Gawo 4)

Pothandiza anthu kutumikira bwino Mulungu, mipingo imachita makalasi ophunzitsa kuwerenga ndi kulemba. Popeza kuti anthu ambiri anaphunzira kuwerenga, panafunika kumasulira mabuku ambiri.

Baji Yawo Inali Ngati Pasipoti

Kodi zinatheka bwanji kuti abale akachite nawo msonkhano m’dziko la Guinea ngakhale kuti analibe ziphaso kapena mapasipoti?

Yehova Wandithandiza

Jay Campbell, yemwe ndi wolumala, ankafuna kupita ku phunziro la Baibulo la mpingo. Iye ananena kuti adzayenda yekha pogwiritsa ntchito matabwa ake. Kodi anatha kupita?

Kuyambira mu 1991 mpaka 2001 ‘Ng’anjo ya Masautso’—Yes. 48:10 (Gawo 1)

Pa nthawi ya nkhondo, a Mboni komanso anthu ena analandira chithandizo komanso kulimbikitsidwa ndi Malemba. N’chiyani chinawathandiza kukhala olimba mtima?

Kuyambira mu 1991 mpaka 2001 ‘Ng’anjo ya Masautso’—Yes. 48:10 (Gawo 2)

Pa nthawi ya nkhondo, a Mboni za Yehova “anapitiriza mwakhama kuphunzitsa ndi kulengeza uthenga wabwino.”

Kusiya Usilikali N’kuyamba Upainiya Wokhazikika

Mnyamata wina, yemwe anali m’gulu la zigawenga, anakumbukira kuti anthu anamulandira bwino pamene anapita ku msonkhano wa Mboni za Yehova. N’chiyani chinamulimbikitsa kusintha?

Tinapulumuka M’manja mwa Zigawenga

Nkhondo itayamba mu 1991, abale ndi alongo ambiri anapulumuka m’manja mwa zigawenga zomwe zinkapha anthu ku Pendembu. Kodi zinatheka bwanji?

Wa Nsanja ya Olonda

Kodi m’bale wina ankatha bwanji kunyamula zinthu ku Freetown kukapereka kwa abale ku Conakry m’dziko la Guinea pa nthawi ya nkhondo?

Ndinapeza Chinthu Chamtengo Wapatali Kuposa Dayamondi

Tamba Josiah asanakhale wa Mboni ankagwira ntchito mumgodi wa dayamondi. N’chifukwa chiyani amanena kuti anapeza chinthu chamtengo wapatali kuposa dayamondi?

Kuyambira mu 2002 mpaka 2013 (Gawo 1)

Nkhondo yapachiweniweni itatha, mipingo inakhazikitsidwa, Nyumba za Ufumu zinamangidwa ndipo apainiya apadera anatumizidwa kumene kunalibe Mboni zambiri.

Kuyambira mu 2002 mpaka 2013 (Gawo 2)

A Mboni za Yehova m’mayiko awiriwa akukhulupirira kuti anthu ambiri ayamba kuphunzira Baibulo.

Tinkafunitsitsa Kutumikira Yehova

Philip Tengbeh ndi mkazi wake anathawa kuti asaphedwe pamene zigawenga anabwera mumzinda wa Koindu kumene ankakhala. Iwo anathandiza kumanga Nyumba za Ufumu zokwana 5 pamene ankakhala m’makampu a anthu othawa kwawo.

Ndinayamba Kulikonda Kwambiri Dziko la Sierra Leone

Cindy McIntire wakhala akutumikira monga mmishonale ku Africa kuyambira mu 1992. Iye akufotokoza chifukwa chake amakonda kwambiri kulalikira ku Sierra Leone.