Zokhudza screen reader

Sankhani chinenero

Pitani ku menyu yachiwiri

Pitani ku mitu ya nkhani

Pitani ku nkhani yake

Mboni za Yehova

Chichewa

Buku Lapachaka la Mboni za Yehova la 2016

Lemba Lachaka cha 2016

“Mupitirize kukonda abale.”—Aheberi 13:1

Lemba Lachaka cha 2016

Yesu ananeneratu zimene zinkayenera kuchitika Yerusalemu akadzatsala pang’ono kuwonongedwa mu 70 C.E. Iye anati: ‘Anthu ambiri . . . adzadana. . . . Chikondi cha anthu ambiri chidzazirala.’ (Mat. 24:10, 12) Koma mosiyana ndi anthu amenewa, otsatira ake akanadziwika chifukwa cha chikondi. (Yoh. 13:35) Patapita nthawi, mtumwi Paulo analembera kalata Akhristu achiheberi omwe ankakhala ku  Yerusalemu. M’kalatayi, anawayamikira chifukwa chakuti ankakondana ndipo anawalimbikitsa kuti apitirize kukondana.

Panopa tikuyembekezera kuti dziko loipa la Satanali liwonongedwa posachedwapa. Mofanana ndi mmene zinthu zinali m’nthawi ya atumwi, ifenso timakhala ndi anthu omwe amakonda ndalama, zosangalatsa, ndi odzikonda komanso sakonda Mulungu ndiponso anzawo. (2 Tim. 3:1-4) Ngakhale zili choncho, a Mboni za Yehovafe timakondana kwambiri padziko lonse lapansi. Choncho tiyeni tipitirize kulemekeza Yehova, yemwe ndi Mulungu wachikondi, pamene tikuyesetsa kukonda abale athu.