Zokhudza screen reader

Sankhani chinenero

Pitani ku menyu yachiwiri

Pitani ku mitu ya nkhani

Pitani ku nkhani yake

Mboni za Yehova

Chichewa

UTUMIKI KOMANSO MOYO WATHU WACHIKHRISTU–NDANDANDA YA MISONKHANO MARCH 2016

 KUWONJEZERA LUSO LATHU MU UTUMIKI

Kuwonjezera Luso Lathu mu Utumiki—Kukonza Ulaliki Wanuwanu wa Magazini

Kuwonjezera Luso Lathu mu Utumiki—Kukonza Ulaliki Wanuwanu wa Magazini
ONANI
Chithunzi
Kukula kwa Zilembo

N’CHIFUKWA CHIYANI TIYENERA KUCHITA ZIMENEZI?: Zitsanzo za ulaliki zomwe zimakhala mu Utumiki Komanso Moyo Wathu Wachikhristu ndi zothandiza, koma sitiyenera kuloweza chifukwa ndi zongotithandiza kudziwa zimene tinganene. Tiyenera kukonzekera m’mawu athuathu. Tingagwiritsenso ntchito ulaliki wina kapena nkhani ina yogwirizana ndi gawo lathu. Choncho tikawerenga magazini, kuona zitsanzo za ulaliki komanso kuonera vidiyo, tikhoza kugwiritsa ntchito mfundo zotsatirazi kuti tikonze ulaliki wathu.

KODI TINGACHITE BWANJI ZIMENEZI?

Dzifunseni kuti, ‘Kodi ineyo ndingakonde kugwiritsa ntchito chimodzi mwa zitsanzo za ulalikizi?’

INDE

  • Chikonzekereni m’mawu anuanu. Pambuyo popereka moni fotokozani cholinga chanu. (Mwachitsanzo, munganene kuti: “Ndabwera kuti . . .”)

  • Ganizirani zimene munganene pambuyo poti mwafunsa funso, pambuyo poti mwawerenga lemba komanso pambuyo poti mwapereka magazini. (Mwachitsanzo, pofuna kutchula lemba munganene kuti: “Yankho la funso limeneli tingalipeze palemba ili.”)

AYI

  • Sankhani nkhani imene yakusangalatsani komanso imene anthu a m’gawo lanu angasangalale nayo

  • Ganizirani funso limene lingachititse munthuyo kufotokoza maganizo ake. Koma funsolo lisakhale lochititsa manyazi. (Mwachitsanzo, mungasankhe funso limodzi pa mafunso amene ali patsamba 2 la magaziniyo.)

  • Sankhani lemba loti mukawerenge. (Ngati ndi Galamukani! mungasankhe kukawerenga lemba kapena ayi chifukwa magaziniwa amalembera anthu amene sadziwa bwino Baibulo komanso mwina amakayikira zochita za zipembedzo.)

  • Konzani mawu amene mungauze munthu amene mukumulalikirayo, omuthandiza kuona mmene angapindulire akawerenga magaziniyo

KAYA MWASANKHA INDE KAPENA AYI:

  • Konzani funso loti mudzayankhe pa ulendo wobwereza

  • Lembani mfundo zokuthandizani kukumbukira zimene mudzanene