Zokhudza screen reader

Sankhani chinenero

Pitani ku menyu yachiwiri

Pitani ku mitu ya nkhani

Pitani ku nkhani yake

Mboni za Yehova

Chichewa

UTUMIKI KOMANSO MOYO WATHU WACHIKHRISTU–NDANDANDA YA MISONKHANO JANUARY 2016

 MOYO WACHIKHRISTU

Tizigwira Nawo Ntchito Yomanga Komanso Kukonza Malo Olambirira

Tizigwira Nawo Ntchito Yomanga Komanso Kukonza Malo Olambirira

Ntchito yomanga kachisi wa Yehova inali yaikulu. Koma Aisiraeli anadzipereka kwambiri mpaka anamaliza. (1 Mbiri 29:2-9; 2 Mbiri 6:7, 8) Kachisiyu atamalizidwa, ankafunika kukonzedwanso. Ndiyeno zimene Aisiraeli ankachita pa ntchito yokonzayi zinkasonyeza ngati amakonda Yehova kapena ayi. (2 Maf. 22:3-6; 2 Mbiri 28:24; 29:3) Masiku anonso, Akhristu amadzipereka kwambiri pa ntchito yomanga, kukonza komanso kuyeretsa Nyumba za Ufumu ndi Malo a Misonkhano. Ndi mwayi waukulu kugwira nawo ntchito zimenezi chifukwa ndi utumiki wopatulika.—Sal. 127:1; Chiv. 7:15.

ZIMENE TINGACHITE

  • Kuyeretsa malo tikangomaliza misonkhano. Ngati tilibiretu nthawi tikhoza kungotola tizinyalala pafupi ndi pamene takhala.

  • Tizigwira nawo ntchito yoyeretsa kapena kukonza Nyumba ya Ufumu. Ntchito ikamagwiridwa ndi anthu ambiri imasangalatsa komanso imapepuka.—lv 92-93 ndime 18.

  • Tizipereka ndalama zothandiza pa ntchitoyi. Yehova amasangalala kwambiri ngakhale ndalama zathuzo zitakhala ngati ‘timakobidi tiwiri tating’ono.’—Maliko 12:41-44.

  • Ngati n’zotheka tizidzipereka kugwira nawo ntchito yomanga komanso kukonza malo olambirira. Sikuti tiyenera kukhala ndi luso lapadera kuti tigwire nawo ntchitoyi.