Zokhudza screen reader

Sankhani chinenero

Pitani ku menyu yachiwiri

Pitani ku mitu ya nkhani

Pitani ku nkhani yake

Mboni za Yehova

Chichewa

UTUMIKI KOMANSO MOYO WATHU WACHIKHRISTU–NDANDANDA YA MISONKHANO FEBRUARY 2017

MOYO WATHU WACHIKHRISTU

Muzithandiza Ana Anu Kuti Azikhulupirira Kwambiri Mlengi

Muzithandiza Ana Anu Kuti Azikhulupirira Kwambiri Mlengi

Chilengedwe chimalengeza ulemerero wa Yehova. (Sal. 19:1-4; 139:14) Komabe dziko la Mdyerekezili limalimbikitsa mfundo zonyoza Mulungu pa nkhani ya mmene moyo unayambira. (Aroma 1:18-25) Kodi mungatani kuti mfundo zimenezi zisazike mizu m’maganizo ndiponso mumtima mwa ana anu? Muyenera kuwathandiza kuyambira ali aang’ono kuti azikhulupirira Yehova ndiponso kudziwa kuti iye amawakonda. (2 Akor. 10:4, 5; Aef. 6:16) Muzikambirana nawo kuti mudziwe maganizo awo pa nkhani zimene amaphunzira kusukulu. Kuti muziwafika pamtima, muzigwiritsa ntchito mabuku, webusaiti yathu ndiponso mavidiyo.Miy. 20:5; Yak. 1:19.

ONERANI VIDIYO YAKUTI ZIMENE ACHINYAMATA ANZANU AMANENA—KUKHULUPIRIRA KUTI KULI MULUNGU, NDIPO KENAKO KAMBIRANANI NAWO MAFUNSO AWA:

  • Kodi anthu ambiri amanena zotani pa nkhani ya kukhulupirira Mulungu?

  • Kodi kusukulu kwanu amaphunzitsa zotani pa nkhaniyi?

  • N’chiyani chimakutsimikizirani kuti Yehova alipodi?

  • Kodi mungathandize bwanji munthu kuzindikira kuti Mulungu ndi amene analenga zinthu zonse?