Zokhudza screen reader

Sankhani chinenero

Pitani ku menyu yachiwiri

Pitani ku mitu ya nkhani

Pitani ku nkhani yake

Mboni za Yehova

Chichewa

UTUMIKI KOMANSO MOYO WATHU WACHIKHRISTU–NDANDANDA YA MISONKHANO DECEMBER 2016

 MOYO WATHU WACHIKHRISTU

Zimene Mulungu Amatiphunzitsa Zimatithandiza Kuti Tisakhale Atsankho

Zimene Mulungu Amatiphunzitsa Zimatithandiza Kuti Tisakhale Atsankho

Yehova alibe tsankho. (Mac. 10:34, 35) Iye amalola kuti anthu ochokera “m’dziko lililonse, fuko lililonse, mtundu uliwonse, ndi chinenero chilichonse” akhale atumiki ake. (Chiv. 7:9) Choncho, anthu amene ali mumpingo wachikhristu sayenera kuchita zinthu mwatsankho kapena mokondera. (Yak. 2:1-4) Zimene Mulungu amatiphunzitsa zatithandiza kuti tizisangalala ndi paradaiso wauzimu ndipo timaona anthu akusintha makhalidwe awo. (Yes. 11:6-9) Tikamayesetsa kuchotsa mtima watsankho, timasonyeza kuti tikutsanzira Mulungu.—Aef. 5:1, 2.

ONERANI VIDIYO YAKUTI, JOHNY NDI GIDEON: ANALI KHOSWE NDI MPHAKA KOMA PANO NDI OGWIRIZANA. KENAKO YANKHANI MAFUNSO OTSATIRAWA:

  • N’chifukwa chiyani tinganene kuti zimene Mulungu amatiphunzitsa ndi zimene zingathandize kwambiri pothetsa tsankho kuposa zimene anthu paokha amachita?

  • N’chiyani chimakuchititsani chidwi mukaona mgwirizano umene ulipo pakati pa abale ndi alongo padziko lonse?

  • Kodi Yehova amalemekezedwa bwanji tikamayesetsa kukhalabe ogwirizana monga Akhristu?