Zokhudza screen reader

Sankhani chinenero

Pitani ku menyu yachiwiri

Pitani ku mitu ya nkhani

Pitani ku nkhani yake

Mboni za Yehova

Chichewa

Baibulo la pa Intaneti

BAIBULO LA DZIKO LATSOPANO LA MALEMBA OPATULIKA

Yobu 7:1-21

7  “Kodi si paja munthu amagwira ntchito yokakamiza+ padziko lapansi? Ndipo kodi masiku ake sali ngati masiku a munthu waganyu?+   Monga kapolo, iye amakhala wefuwefu kufunafuna mthunzi,+ Ndipo ngati munthu waganyu, amadikirira malipiro ake.+   Chotero ndalandira miyezi yachabechabe ngati cholowa,+ Ndipo kuvutika usiku uliwonse+ ndiwo malipiro anga.   Ndikagona ndimanena kuti, ‘Kodi ndidzuka nthawi yanji?’+ Kukada ndimangokhalira kutembenukatembenuka mpaka m’mawa kuli mbuu.   Mnofu wanga wakutidwa ndi mphutsi+ ndipo wamatirira fumbi,+ Khungu langa lang’ambika n’kumatuluka mafinya.+   Masiku anga akufulumira+ kuposa mmene chimathamangira chowombera nsalu, Iwo afika pamapeto popanda chiyembekezo.+   Kumbukirani kuti moyo wanga uli ngati mphepo,+ Ndiponso kuti diso langa silidzaonanso zabwino.   Diso la iye amene amandiona silidzandionanso, Maso anu adzandiyang’ana, koma ine kudzakhala kulibe.+   Mtambo umafika kumapeto ake n’kutha. Chimodzimodzi ndi munthu amene wapita ku Manda,* sadzabwerako.+ 10  Sadzabwereranso kunyumba yake, Ndipo anthu a pamalo ake sadzamuzindikiranso.+ 11  Choncho, ine sinditseka pakamwa panga. Ndilankhula chifukwa cha kuvutika mumtima,+ Ndilankhula za nkhawa zanga, chifukwa moyo wanga ukupweteka. 12  Kodi ine ndine nyanja, kapena chilombo cha m’nyanja, Kuti mundiikire mlonda?+ 13  Ndikanena kuti, ‘Bedi langa linditonthoza, Bedi langa lindithandiza kusenza nkhawa zanga,’ 14  Inuyo mumandiopseza ndi maloto, Ndipo mumandichititsa mantha ndi masomphenya. 15  Chotero moyo wanga wasankha kubanika, Wasankha imfa+ m’malo mwa mafupa angawa. 16  Moyo ndaukana,+ sindikufuna kukhala ndi moyo mpaka kalekale.* Ndisiyeni chifukwa masiku anga ndi ochepa kwambiri.+ 17  Kodi munthu ndani+ kuti mumulere, Ndi kuti muzimuganizira? 18  Iye ndani kuti muzimuganizira m’mawa uliwonse, Ndi kuti muzimuyesa nthawi zonse?+ 19  N’chifukwa chiyani simukusiya kundiyang’ana,+ Kapena kundisiya kuti ndimezeko malovu? 20  Ngati ndachimwa, ndingakuchiteni chiyani Inu amene mumaonetsetsa anthu?+ N’chifukwa chiyani mwalunjika ine, kuti ndikhale cholemetsa kwa inu? 21  N’chifukwa chiyani simukundikhululukira machimo anga,+ Ndi kunyalanyaza zolakwa zanga? Pakuti tsopano ndigona m’fumbi.+ Mudzandifunafuna koma ine kudzakhala kulibe.”

Mawu a M'munsi

Onani Zakumapeto 5.
Onani Matanthauzo a Mawu Ena.