Pitani ku nkhani yake

Pitani ku menyu yachiwiri

Pitani ku mitu ya nkhani

Mboni za Yehova

Chichewa

Baibulo la pa Intaneti

BAIBULO LA DZIKO LATSOPANO LA MALEMBA OPATULIKA

Yobu 35:1-16

35  Elihu anapitiriza kulankhula kuti:   “Kodi mukuona ngati chimenechi n’chilungamo? Inuyo mwanena kuti, ‘Ndine wolungama kuposa Mulungu.’+   Mwanena kuti, ‘Kodi kulungamako n’kwantchito yanji kwa inu?+ Kodi kundipindulitsa chiyani kuposa chimene ndikanapindula pochimwa?’+   Ineyo ndikuyankhani inuyo Ndi mabwenzi+ anu muli nawowo.   Yang’anani kumwamba+ muone. Muona kuti mitambo+ ili pamwamba kuposa inu.   Mukachimwa, kodi mumapindula chiyani chotsutsana naye?+ Ndipo kupanduka kwanu kukawonjezeka, kodi mumam’chitira chiyani chomuipira?   Ngati ndinudi wosalakwa, kodi mumam’patsa chiyani? Kodi amalandira chiyani kuchokera m’manja mwanu?+   Kuipa kwanu kungapweteke munthu ngati inu nomwe,+ Ndipo chilungamo chanu chingakomere mwana wa munthu wochokera kufumbi.+   Chifukwa cha kuchuluka kwa kuponderezedwa, iwo amangokhalira kufuula popempha thandizo.+ Amangokhalira kulirira thandizo chifukwa cha dzanja la amphamvu.+ 10  Koma palibe wanena kuti, ‘Kodi Mulungu, Wondipanga Wamkulu,+ ali kuti, Amene amapatsa anthu nyimbo usiku?’+ 11  Iye ndiye amatiphunzitsa+ zambiri kuposa nyama zakutchire,+ Ndipo amatipatsa nzeru kuposa ngakhale zolengedwa zouluka m’mlengalenga. 12  Iwo amangokhalira kulirira thandizo, koma iye sawayankha+ Chifukwa cha kunyada+ kwa anthu oipa. 13  Koma Mulungu samva kufuula kwa anthu olankhula zinthu zonama,+ Ndipo Wamphamvuyonse sawaona.+ 14  Nanga kuli bwanji mukanena kuti simumuona?+ Mlanduwo uli pamaso pake, choncho muzimuyembekezera ndi nkhawa.+ 15  Tsopano popeza sanakulangeni chifukwa cha mkwiyo wake,+ Iye sanaonenso kupupuluma kwanu.+ 16  Yobu akatsegula pakamwa pake amalankhula zopanda pake. Amachulukitsa mawu osonyeza kuti palibe chimene akudziwa.”+

Mawu a M'munsi