Zokhudza screen reader

Sankhani chinenero

Pitani ku menyu yachiwiri

Pitani ku mitu ya nkhani

Pitani ku nkhani yake

Mboni za Yehova

Chichewa

Baibulo la pa Intaneti

BAIBULO LA DZIKO LATSOPANO LA MALEMBA OPATULIKA

Yobu 23:1-17

23  Tsopano Yobu anayankha kuti:   “Ngakhale lero, sindikusangalala ndi mmene zinthu zilili pa moyo wanga. Chotero ndikudandaula.+ Dzanja langa likulemera chifukwa chakuti ndikuusa moyo.   Ndikanadziwa kumene ndingamupeze,+ Bwenzi nditapita kumalo kumene iye amakhala nthawi zonse.+   Bwenzi nditapita pamaso pake ndi nkhani yoti aweruze. M’kamwa mwanga bwenzi nditadzazamo mfundo zodziikira kumbuyo.   Bwenzi nditadziwa mawu amene amanena pondiyankha, Ndipo bwenzi nditaganizira zimene amandiuza.+   Kodi bwenzi iye atalimbana nane ndi mphamvu zambiri? Ayi ndithu! Iye akanandimvera.+   Kumeneko, wowongoka mtima adzathetsa nkhani zake ndi iye, Ndipo ine ndikanapulumuka kwa woweruza wanga mpaka kalekale.   Ndikapita kum’mawa, iye kulibe. Ndikabwerako, sindimuona.+   Ndimapita kumanzere kumene iye akugwira ntchito, koma sindimuona. Amatembenukira kudzanja lamanja, koma ine osamuona, 10  Pakuti iye amadziwa bwino njira imene ine ndimadutsa.+ Akamaliza kundiyesa, ndidzakhala ngati golide.+ 11  Mapazi anga amatsata mayendedwe ake. Ndasunga njira yake, ndipo sindipatukapo.+ 12  Sindisiya malamulo otuluka pakamwa pake.+ Ndasunga mosamala mawu a pakamwa pake+ kuposa zimene akufuna kuti ndichite. 13  Iye ali ndi maganizo amodzi, ndani angam’tsutse?+ Zimene moyo wake umalakalaka amazichita.+ 14  Iye adzachita zonse zimene wandikonzera,+ Ndipo zinthu zoterezi n’zambiri kwa iye. 15  N’chifukwa chake ndikusokonezeka chifukwa cha iye. Ndikaganizira za iye, ndikumachita mantha.+ 16  Mulungu wachititsa mantha mtima wanga.+ Wamphamvuyonse wandisokoneza,+ 17  Pakuti sindinaletsedwe kulankhula chifukwa cha mdima, Kapenanso chifukwa chakuti mdima wandiweyani waphimba nkhope yanga.

Mawu a M'munsi