Zokhudza screen reader

Sankhani chinenero

Pitani ku menyu yachiwiri

Pitani ku mitu ya nkhani

Pitani ku nkhani yake

Mboni za Yehova

Chichewa

Baibulo la pa Intaneti

BAIBULO LA DZIKO LATSOPANO LA MALEMBA OPATULIKA

Masalimo 98:1-9

Nyimbo. 98  IMBIRANI Yehova nyimbo yatsopano,+ Pakuti zimene wachita ndi zodabwitsa.+ Dzanja lake lamanja, ndithu mkono wake woyera, wabweretsa chipulumutso.+   Yehova wachititsa chipulumutso chake kudziwika.+ Chilungamo chake wachisonyeza ku mitundu ya anthu.+   Iye wakumbukira lonjezo lake losonyeza kukoma mtima kosatha ndi kukhulupirika kwake ku nyumba ya Isiraeli.+ Malekezero onse a dziko lapansi aona chipulumutso cha Mulungu wathu.+   Fuulirani Yehova mosangalala chifukwa wapambana, inu nonse anthu a padziko lapansi.+ Kondwerani, fuulani mosangalala ndi kuimba nyimbo zomutamanda.+   Imbirani Yehova nyimbo zomutamanda ndi zeze,+ Muimbireni nyimbo ndi zeze ndi kumutamanda ndi nyimbo zokoma.+   Fuulani mwa kuimba malipenga ndi mphalasa.*+ Fuulani mosangalala pamaso pa Mfumu Yehova, chifukwa wapambana.   Nyanja ndi zonse zili mmenemo zichite mkokomo,+ Chimodzimodzinso mtunda ndi zonse zokhala kumeneko.+   Mitsinje iwombe m’manja, Mapiri onse afuule pamodzi mokondwera pamaso pa Yehova.+   Pakuti iye wabwera kudzaweruza dziko lapansi.+ Adzaweruza dziko mwachilungamo,+ Ndipo adzaweruza mitundu ya anthu molungama.+

Mawu a M'munsi

“Mphalasa” ndi lipenga lopangidwa ndi nyanga ya nkhosa.