Zokhudza screen reader

Sankhani chinenero

Pitani ku menyu yachiwiri

Pitani ku mitu ya nkhani

Pitani ku nkhani yake

Mboni za Yehova

Chichewa

Baibulo la pa Intaneti

BAIBULO LA DZIKO LATSOPANO LA MALEMBA OPATULIKA

Masalimo 76:1-12

Kwa wotsogolera nyimbo: Iimbidwe ndi zipangizo za zingwe. Nyimbo ndi Salimo la Asafu.+ 76  Mulungu amadziwika mu Yuda.+ Dzina lake ndi lalikulu mu Isiraeli.+   Malo ake opumulirako ali ku Salemu,+ Malo ake okhalamo ali ku Ziyoni.+   Kumeneko wathyola mivi yoyaka moto,+ Wathyola chishango, lupanga ndi zida zankhondo.+ [Se′lah.]   Inu Mulungu, mwazunguliridwa ndi kuwala, ndipo ndinu wochititsa nthumanzi kuposa mapiri amene muli nyama zodya zinzake.+   Anthu olimba mtima alandidwa zinthu zawo,+ Iwo awodzera ndi kugona tulo,+ Ndipo palibe ngakhale mmodzi mwa anthu onse olimba mtimawo amene ali ndi mphamvu zotsutsa.+   Hatchi komanso wokwera galeta agona tulo tofa nato chifukwa cha kudzudzula kwanu, inu Mulungu wa Yakobo.+   Inu ndinu wochititsa mantha,+ Ndani angaime pamaso panu inu mutakwiya kwambiri?+   Munachititsa ziweruzo  zanu kumveka kuchokera kumwambako.+ Dziko lapansi linachita mantha ndipo linakhala duu+   Pamene Mulungu ananyamuka ndi kupereka chiweruzo,+ Kuti apulumutse anthu onse ofatsa padziko lapansi.+ [Se′lah.] 10  Pakuti mkwiyo wa munthu udzakutamandani,+ Mkwiyo wake wotsala mudzaumangirira m’chiuno mwanu. 11  Inu nonse amene mwazungulira Mulungu, lonjezani ndi kukwaniritsa malonjezo anuwo kwa Yehova Mulungu wanu.+ Bweretsani mphatso mwamantha.+ 12  Mulungu adzatsitsa atsogoleri odzikuza.+ Iye ndi wochititsa mantha kwa mafumu a padziko lapansi.+

Mawu a M'munsi