Zokhudza screen reader

Sankhani chinenero

Pitani ku menyu yachiwiri

Pitani ku mitu ya nkhani

Pitani ku nkhani yake

Mboni za Yehova

Chichewa

Baibulo la pa Intaneti

BAIBULO LA DZIKO LATSOPANO LA MALEMBA OPATULIKA

Masalimo 63:1-11

Nyimbo ya Davide pamene anali m’chipululu cha Yuda.+ 63  Inu Mulungu, ndinu Mulungu wanga, ine ndikukufunafunani.+ Moyo wanga ukulakalaka inu.+ Thupi langa lalefuka chifukwa cholakalaka inu M’dziko louma ndi lopanda chonde, lopanda madzi.+   Choncho ndakuonani m’malo oyera,+ Chifukwa ndaona mphamvu zanu ndi ulemerero wanu.+   Pakuti kukoma mtima kwanu kosatha n’kwabwino kuposa moyo,+ Milomo yanga idzakuyamikirani.+   Choncho ndidzakutamandani pa nthawi yonse ya moyo wanga.+ Ndidzapemphera m’dzina lanu nditakweza manja anga.+   Moyo wanga wakhutira ndi gawo labwino kwambiri, wakhutira ndi zinthu zabwino kwambiri,+ Ndipo milomo yanga ikukutamandani ndi mfuu yachisangalalo.+   Ndikakumbukira inu ndili pabedi langa,+ Pa nthawi za ulonda wa usiku* ndimasinkhasinkha za inu.+   Pakuti mwandithandiza,+ Ndipo mumthunzi wa mapiko anu ndimafuula mosangalala.+   Ndakulondolani kulikonse,+ Dzanja lanu lamanja landigwira mwamphamvu.+   Koma ofuna kuwononga moyo wanga,+ Adzatsikira kumanda.+ 10  Adzaphedwa ndi lupanga,+ Adzakhala chakudya cha nkhandwe.+ 11  Ndipo mfumu idzakondwera mwa Mulungu.+ Aliyense wolumbira m’dzina la Mulungu adzam’tamanda,+ Pakuti pakamwa pa anthu olankhula chinyengo padzatsekedwa.+

Mawu a M'munsi

Pa nthawi ya Mfumu Davide, Aisiraeli anali ndi maulonda a usiku atatu. Ulonda woyamba unkayamba 6 koloko madzulo mpaka 10 koloko usiku. Ulonda wachiwiri unkayamba 10 koloko usiku mpaka 2 koloko usiku, ndipo ulonda wachitatu unkayamba 2 koloko usiku mpaka 6 koloko m’mawa.