Zokhudza screen reader

Sankhani chinenero

Pitani ku menyu yachiwiri

Pitani ku mitu ya nkhani

Pitani ku nkhani yake

Mboni za Yehova

Chichewa

Baibulo la pa Intaneti

BAIBULO LA DZIKO LATSOPANO LA MALEMBA OPATULIKA

Masalimo 56:1-13

Kwa wotsogolera nyimbo pa “Nkhunda Yosanena Kanthu” pakati pa okhala kutali. Salimo la Davide. Mikitamu.* Pa nthawi imene Afilisiti anamugwira ku Gati.+ 56  Ndikomereni mtima inu Mulungu wanga, chifukwa munthu wopanda pake akufuna kundiwakha ndi pakamwa pake.+ Akulimbana nane tsiku lonse ndi kundipondereza.+   Tsiku lonse adani anga akufuna kundiwakha ndi pakamwa pawo,+ Pakuti anthu ambiri akumenyana nane modzikuza.+   Ine ndidzadalira inu, tsiku lililonse limene ndingachite mantha.+   Popeza kuti ndine wogwirizana ndi Mulungu, ndidzatamanda mawu ake.+ Ine ndimadalira Mulungu, sindidzaopa.+ Kodi munthu angandichite chiyani?+   Tsiku lonse amasokoneza zolinga zanga. Nthawi zonse amaganiza zondichitira zoipa.+   Amandiukira ndi kundibisalira,+ Iwo nthawi zonse amaonetsetsa mmene ndikuyendera,+ Pamene akundidikirira kuti awononge moyo wanga.+   Atayeni chifukwa cha zochita zawo zoipa.+ Inu Mulungu, gwetsani mitundu ya anthu mu mkwiyo wanu.+   Inu mwalemba za kuthawathawa kwanga.+ Sungani misozi yanga m’thumba lanu lachikopa.+ Kodi misozi yanga sili m’buku lanu?+   Pa nthawi imeneyo adani anga adzabwerera pa tsiku limene ndidzaitana inu.+ Ndikudziwa bwino kuti Mulungu ali kumbali yanga.+ 10  Popeza kuti ndine wogwirizana ndi Mulungu,+ ndidzatamanda mawu ake. Popeza kuti ndine wogwirizana ndi Yehova, ndidzatamanda mawu ake.+ 11  Ine ndimadalira Mulungu. Sindidzaopa.+ Kodi munthu wochokera kufumbi angandichite chiyani?+ 12  Inu Mulungu, ine ndikuyenera kukwaniritsa malonjezo anga kwa inu.+ Ndidzapereka kwa inu nsembe zoyamikira.+ 13  Pakuti inu mwalanditsa moyo wanga ku imfa.+ Inu mwateteza phazi langa kuti lisapunthwe,+ Kuti ndiyendeyende pamaso pa Mulungu m’kuwala kumene kumaunikira anthu amoyo.+

Mawu a M'munsi

Onani mawu a m’munsi pa Sl 16:Kamutu.