Zokhudza screen reader

Sankhani chinenero

Pitani ku menyu yachiwiri

Pitani ku mitu ya nkhani

Pitani ku nkhani yake

Mboni za Yehova

Chichewa

Baibulo la pa Intaneti

BAIBULO LA DZIKO LATSOPANO LA MALEMBA OPATULIKA

Masalimo 55:1-23

Kwa wotsogolera nyimbo: Nyimboyi iimbidwe ndi zipangizo za zingwe. Masikili.* Salimo la Davide. 55  Inu Mulungu, mvetserani pemphero langa.+ Musanyalanyaze pempho langa lakuti mundikomere mtima.+   Ndimvetsereni mwatcheru ndi kundiyankha.+ Mtima wanga suli m’malo chifukwa cha mavuto anga,+ Sindingachitire mwina koma kusonyeza nkhawa zanga,   Chifukwa cha zimene adani akunena, ndiponso chifukwa chakuti oipa andipanikiza.+ Pakuti akundikhuthulira mavuto,+ Ndipo mwaukali akundisungira chidani.+   Mtima wanga ukundipweteka kwambiri.+ Ndipo ndikuopa imfa.+   Ndagwidwa ndi mantha ndipo ndikunjenjemera.+ Inde ndikunthunthumira.   Ndipo ndikunena kuti: “Ndikanakhala ndi mapiko ngati njiwa!+ Ndikanauluka ndi kukakhala kwina.+   Ndikanathawira kutali.+ Ndikanapita kukakhala m’chipululu.+ [Se′lah.]   Ndikanathawira kumalo opulumukirako, Kuthawa mphepo yamphamvu, ndithu kuthawa mphepo yamkuntho.”+   Inu Yehova, sokonezani anthu oipa, ndipo sokonezani zonena zawo,+ Pakuti ndaona ziwawa ndi mikangano mumzinda.+ 10  Usana ndi usiku amayenda pamwamba pa mpanda kuzungulira mzindawo.+ Ndipo mumzindawo muli zopweteka ndi masautso.+ 11  Mmenemo muli mavuto okhaokha. Ndipo kuponderezana ndi chinyengo sizinachoke kubwalo la mzindawo.+ 12  Pakuti amene ananditonza si mdani.+ Akanakhala mdani ndikanapirira. Amene anadzikweza pamaso panga si munthu wodana nane kwambiri.+ Akanakhala munthu wodana nane kwambiri ndikanabisala.+ 13  Koma ndiwe, munthu wofanana ndi ine,+ Munthu amene ndimam’dziwa bwino ndiponso mnzanga weniweni,+ 14  Chifukwa tinali mabwenzi apamtima.+ Tinali kuyenda limodzi ndi khwimbi la anthu kupita kunyumba ya Mulungu.+ 15  Chiwonongeko chiwagwere!+ Atsikire ku Manda ali amoyo.+ Pakuti kulikonse kumene apita, zinthu zoipa zimakhala mumtima mwawo.+ 16  Koma ine ndidzafuulira Mulungu.+ Ndipo Yehova adzandipulumutsa.+ 17  Usiku, m’mawa ndi masana ndimakhala ndi nkhawa ndipo ndimakhala ndikulira,+ Choncho Mulungu amamva mawu anga.+ 18  Iye adzandiwombola ndi kundikhazika pa mtendere, kundichotsa pankhondo,+ Pakuti khamu la anthu landiukira.+ 19  Mulungu amene wakhala pampando wachifumu kuyambira kalekale,+ Adzandimvera ndipo adzawayankha,+ [Se′lah.] Anthu osafuna kusintha makhalidwe awo oipa,+ Ndiponso amene saopa Mulungu.+ 20  Iye watambasula dzanja lake kuukira anthu amene ali naye pa mtendere.+ Wanyoza pangano lake.+ 21  Mawu a pakamwa pake ndi osalala ngati mafuta a mkaka,+ Koma mtima wake umakonda ndewu.+ Mawu ake ndi osalala ngati mafuta,+ Koma ali ngati lupanga lakuthwa.+ 22  Umutulire Yehova nkhawa zako,+ Ndipo iye adzakuchirikiza.+ Sadzalola kuti wolungama agwedezeke.+ 23  Koma inu Mulungu, mudzatsitsira oipa kumanda.+ Ndipo anthu amene ali ndi mlandu wa magazi komanso anthu achinyengo, sadzakwanitsa kukhala ngakhale hafu ya moyo wawo.+ Koma ine ndidzakhulupirira inu.+

Mawu a M'munsi

Onani mawu a m’munsi pa Sl 32:Kamutu.