Pitani ku nkhani yake

Pitani ku menyu yachiwiri

Pitani ku mitu ya nkhani

Mboni za Yehova

Chichewa

Baibulo la pa Intaneti | BAIBULO LA DZIKO LATSOPANO LA MALEMBA OPATULIKA

Salimo 53:1-6

Kwa wotsogolera nyimbo pa Mahalati.*+ Masikili.* Salimo la Davide. 53  Wopusa amanena mumtima mwake kuti: “Kulibe Yehova.”+ Anthu oterewa amachita zoipa, ndipo amachita zinthu zonyansa zogwirizana ndi kupanda chilungamo kwawo.+ Palibe amene akuchita zabwino.+   Koma kuchokera kumwamba, Mulungu wayang’ana ana a anthu padziko lapansi,+ Kuti aone ngati pali aliyense wozindikira, aliyense amene akufunafuna Yehova.+   Onse abwerera, ndipo onsewo ndi achinyengo.+ Palibe aliyense amene akuchita zabwino,+ Palibiretu ndi mmodzi yemwe.   Kodi palibe aliyense wozindikira mwa anthu ochita zopweteka anzawowa,+ Amene akudya anthu anga ngati chakudya?+ Iwo sanaitane pa Yehova.+   Nthawi yomweyo anagwidwa ndi mantha aakulu,+ Ngakhale kuti panalibe chochititsa mantha.+ Pakuti Mulungu adzamwaza mafupa a aliyense womanga msasa kuti akuukireni.+ Isiraeli adzawachititsa manyazi pakuti Yehova wawakana.+   Haa! Zikanakhala bwino m’Ziyoni mukanapezeka chipulumutso cha Isiraeli.+ Yehova akadzasonkhanitsa ndi kubwezeretsa anthu ake amene agwidwa ndi kutengedwa kupita kudziko lina,+ Yakobo adzasangalale, Isiraeli adzakondwere.+

Mawu a M'munsi

“Mahalati” ndi mawu achiheberi. N’kutheka kuti ndi mawu okhudzana ndi nyimbo, mwina okhudzana ndi luso la kaimbidwe.
Onani mawu a m’munsi pa Sl 32:Kamutu.