Zokhudza screen reader

Sankhani chinenero

Pitani ku menyu yachiwiri

Pitani ku mitu ya nkhani

Pitani ku nkhani yake

Mboni za Yehova

Chichewa

Baibulo la pa Intaneti

BAIBULO LA DZIKO LATSOPANO LA MALEMBA OPATULIKA

Masalimo 52:1-9

Kwa wotsogolera nyimbo. Masikili.* Salimo la Davide, pa nthawi imene Doegi, Mwedomu, anapita kwa Sauli kukamuuza kuti Davide wapita kunyumba ya Ahimeleki.+ 52  N’chifukwa chiyani ukudzitukumula chifukwa cha zinthu zoipa, wamphamvu iwe?+ Kukoma mtima kosatha kwa Mulungu n’kokhalitsa.+   Lilime lako limakonza chiwembu, ndipo ndi lakuthwa ngati lezala,+ Limachita zachinyengo.+   Umakonda kwambiri zinthu zoipa kuposa zabwino,+ Umakonda kwambiri kulankhula chinyengo kuposa kulankhula chilungamo.+ [Se′lah.]   Umakonda mawu onse owononga,+ Lilime lachinyengo iwe.+   Mulungu adzakupasula kosatha.+ Adzakugwetsa ndi kukukokera kunja kwa hema wako,+ Ndipo adzakuzula ndithu m’dziko la anthu amoyo.+ [Se′lah.]   Olungama adzaona zimenezi ndi kuchita mantha,+ Ndipo adzamuseka.+   Munthu wamphamvu wotere sadalira Mulungu monga malo ake achitetezo,+ Koma amadalira kuchuluka kwa chuma chake,+ Ndipo chitetezo chake amachipeza m’mavuto amene iyeyo amawachititsa.+   Koma ine ndidzakhala ngati mtengo waukulu wa maolivi+ wa masamba obiriwira m’nyumba ya Mulungu. Ndidzakhulupirira kukoma mtima kosatha kwa Mulungu mpaka kalekale, ndithu mpaka muyaya.+   Ndidzakutamandani mpaka kalekale, chifukwa cha zimene mwachita.+ Ndipo ndidzayembekezera dzina lanu pamaso pa okhulupirika anu, chifukwa ndi labwino.+

Mawu a M'munsi

Onani mawu a m’munsi pa Sl 32:Kamutu.