Zokhudza screen reader

Sankhani chinenero

Pitani ku menyu yachiwiri

Pitani ku mitu ya nkhani

Pitani ku nkhani yake

Mboni za Yehova

Chichewa

Baibulo la pa Intaneti

BAIBULO LA DZIKO LATSOPANO LA MALEMBA OPATULIKA

Masalimo 42:1-11

Kwa wotsogolera nyimbo. Masikili* ya ana a Kora.+ 42  Monga mmene mbawala yaikazi imalakalakira mitsinje ya madzi, Moyo wanganso ukulakalaka inu Mulungu wanga.+   Moyo wanga ukulakalaka Mulungu,+ ukulakalaka Mulungu wamoyo.+ Ndidzapita liti kunyumba ya Mulungu kukaonekera pamaso pake?+   Misozi yanga yasanduka chakudya changa usana ndi usiku,+ Pamene anthu akundifunsa tsiku lonse kuti: “Mulungu wako ali kuti?”+   Ndidzakumbukira zinthu zakale ndipo moyo wanga udzavutika pokumbukira zimenezo.+ Pakuti ndinali kuyenda ndi khwimbi la anthu, Ndinali kuyenda pang’onopang’ono patsogolo pawo kupita kunyumba ya Mulungu,+ Tinali kufuula mosangalala ndi kuyamika Mulungu.+ Khamu la anthu okondwerera madyerero linali kunditsatira.+   N’chifukwa chiyani ukutaya mtima, moyo wangawe?+ Ndipo n’chifukwa chiyani ukusautsika mkati mwanga?+ Yembekezera Mulungu,+ Ndipo ndidzamutamanda pakuti iye ndiye mpulumutsi wanga wamkulu.+   Inu Mulungu wanga, ine ndataya mtima.+ N’chifukwa chake ndakumbukira inu,+ Pamene ndili m’dziko la Yorodano ndi m’mapiri a Herimoni,+ Pamene ndili m’phiri laling’ono.+   Madzi akuya akufuulira madzi akuya, Kudzera mu mkokomo wa madzi otumphuka. Mafunde anu onse amphamvu,+ Andimiza.+   Masana Yehova adzalamula kukoma mtima kwake kosatha kuti kufike pa ine,+ Ndipo usiku ndidzaimba za iye.+ Ndidzapemphera kwa Mulungu wondipatsa moyo.+   Ndidzauza Mulungu, thanthwe langa kuti:+ “N’chifukwa chiyani mwandiiwala?+ Ndikuyenderanji wachisoni chifukwa choponderezedwa ndi mdani wanga?”+ 10  Odana nane akunditonza kwambiri moti zikungokhala ngati mafupa anga aphwanyidwa,+ Pakuti anthu akundifunsa tsiku lonse kuti: “Mulungu wako ali kuti?”+ 11  N’chifukwa chiyani ukutaya mtima, moyo wangawe?+ Ndipo n’chifukwa chiyani ukusautsika mkati mwanga?+ Yembekezera Mulungu,+ Ndipo ndidzamutamanda pakuti iye ndiye mpulumutsi wanga wamkulu ndiponso ndiye Mulungu wanga.+

Mawu a M'munsi

Onani mawu a m’munsi pa Sl 32:Kamutu.