Zokhudza screen reader

Sankhani chinenero

Pitani ku menyu yachiwiri

Pitani ku mitu ya nkhani

Pitani ku nkhani yake

Mboni za Yehova

Chichewa

Baibulo la pa Intaneti

BAIBULO LA DZIKO LATSOPANO LA MALEMBA OPATULIKA

Masalimo 36:1-12

Kwa wotsogolera nyimbo. Salimo la Davide, mtumiki wa Yehova. 36  Uchimo ukulankhula mumtima mwa munthu woipa.+ Maso ake saona chifukwa choopera Mulungu.+   Pakuti amadzinyenga yekha,+ Ndipo sazindikira cholakwa chake ndi kudana nacho.+   Mawu a pakamwa pake ndi opweteka ndi achinyengo.+ Wasiya kugwiritsa ntchito nzeru zomuthandiza kuchita zinthu zabwino.+   Ali pabedi lake amakonza chiwembu kuti apweteke anzake.+ Amaima panjira yoipa.+ Sapewa kuchita zinthu zoipa.+   Inu Yehova, kukoma mtima kwanu kosatha kuli kumwamba.+ Kukhulupirika kwanu kwafika m’mitambo.+   Inu Mulungu, chilungamo chanu chili ngati mapiri anu.+ Chiweruzo chanu ndi chozama kwambiri ngati madzi akuya.+ Inu Yehova, mumapulumutsa munthu ndiponso nyama.+   Inu Mulungu, kukoma mtima kwanu kosatha ndi kwamtengo wapatali!+ Ndipo ana a anthu amabisala mu mthunzi wa mapiko anu.+   Amadya ndi kukhuta chakudya chonona m’nyumba mwanu.+ Ndipo mumawamwetsa mumtsinje wa zosangalatsa zanu zambiri.+   Pakuti inu ndinu kasupe wa moyo.+ Chifukwa cha kuwala kochokera kwa inu, tikuona kuwala.+ 10  Pitirizani kusonyeza kukoma mtima kwanu kosatha kwa anthu okudziwani,+ Ndiponso chilungamo  chanu kwa anthu owongoka mtima.+ 11  Musalole kuti phazi la anthu odzikweza lindipondereze.+ Ndipo musalole dzanja la anthu oipa kundipitikitsa kuti ndikhale wothawathawa.+ 12  Onani, ochita zinthu zopweteka anzawo agwa.+ Awakanikizira pansi ndipo sakuthanso kudzuka.+

Mawu a M'munsi