Zokhudza screen reader

Sankhani chinenero

Pitani ku menyu yachiwiri

Pitani ku mitu ya nkhani

Pitani ku nkhani yake

Mboni za Yehova

Chichewa

Baibulo la pa Intaneti

BAIBULO LA DZIKO LATSOPANO LA MALEMBA OPATULIKA

Masalimo 33:1-22

33  Fuulani mosangalala chifukwa cha Yehova, inu nonse olungama.+ M’poyenera kuti owongoka mtima atamande Mulungu.+   Yamikani Yehova poimba zeze.+ Muimbireni nyimbo zomutamanda ndi choimbira cha zingwe 10.+   Muimbireni nyimbo yatsopano.+ Muimbireni choimbira cha zingwe ndi mtima wonse ndi kufuula mosangalala.+   Pakuti mawu a Yehova ndi owongoka,+ Ndipo ntchito zake zonse ndi zodalirika.+   Iye amakonda chilungamo ndi chiweruzo chosakondera.+ Dziko lapansi ladzaza ndi kukoma mtima kosatha kwa Yehova.+   Kumwamba kunalengedwa ndi mawu a Yehova,+ Ndipo makamu ake onse analengedwa ndi mpweya wa m’kamwa mwake.+   Anasonkhanitsa madzi a m’nyanja ngati wachita kuwatchinga ndi khoma,+ Anaika madzi amphamvu m’nyumba zosungiramo zinthu.   Onse okhala padziko lapansi aope Yehova.+ Anthu onse okhala panthaka ya dziko lapansi achite naye mantha.+   Pakuti iye ananena, ndipo zinachitika.+ Iye analamula, ndipo zinakhalapo.+ 10  Yehova wasokoneza zolinga za anthu a mitundu ina.+ Walepheretsa maganizo a mitundu ya anthu.+ 11  Zolinga za Yehova zidzakhalapo mpaka kalekale.+ Maganizo a mumtima mwake adzakhalapo ku mibadwomibadwo.+ 12  Wodala ndi mtundu umene Mulungu wawo ndi Yehova,+ Anthu amene iye wawasankha kukhala cholowa chake.+ 13  Kuchokera kumwamba, Yehova wayang’ana,+ Waona ana onse a anthu.+ 14  Kuchokera kumalo achikhalire kumene iye amakhala,+ Wayang’anitsitsa onse okhala padziko lapansi. 15  Iye akuumba mtima wa aliyense wa iwo.+ Akulingalira ntchito zawo zonse.+ 16  Palibe mfumu imene inapulumuka chifukwa cha kukula kwa gulu lake lankhondo.+ Munthu wamphamvu sapulumuka chifukwa cha kuchuluka kwa mphamvu zake.+ 17  Hatchi siingabweretse chipulumutso,+ Siingapulumutse munthu chifukwa cha kuchuluka kwa mphamvu zake.+ 18  Taonani! Diso la Yehova lili pa anthu amene amamuopa,+ Amene amayembekezera kukoma mtima kwake kosatha,+ 19  Kuti apulumutse moyo wawo ku imfa,+ Ndi kuwasunga ndi moyo pa nthawi ya njala.+ 20  Moyo wathu wakhala ukuyembekeza Yehova.+ Iye ndi mthandizi wathu ndi chishango chathu.+ 21  Mitima yathu imakondwera mwa iye.+ Pakuti timadalira dzina lake loyera.+ 22  Inu Yehova, kukoma mtima kwanu kosatha kukhale pa ife,+ Pakuti takhala tikuyembekezera inu.+

Mawu a M'munsi