Zokhudza screen reader

Sankhani chinenero

Pitani ku menyu yachiwiri

Pitani ku mitu ya nkhani

Pitani ku nkhani yake

Mboni za Yehova

Chichewa

Baibulo la pa Intaneti

BAIBULO LA DZIKO LATSOPANO LA MALEMBA OPATULIKA

Masalimo 32:1-11

Salimo la Davide. Masikili.* 32  Wodala ndi munthu amene wakhululukidwa zolakwa zake, amene machimo ake aphimbidwa.+   Wodala ndi munthu amene Yehova sanamusungire cholakwa chake,+ Amene alibe mtima wachinyengo.+   Pamene ndinakhala chete osaulula machimo anga, mafupa anga anafooka, chifukwa tsiku lonse ndinali kuvutika mumtima mwanga.+   Pakuti dzanja lanu linali kundilemera usana ndi usiku.+ Mphamvu zanga zinauma ngati madzi m’nyengo yotentha ya chilimwe.+ [Se′lah.]   Pamapeto pake ndinaulula tchimo langa kwa inu, ndipo sindinabise cholakwa changa.+ Ndinati: “Ndidzaulula kwa Yehova machimo anga.”+ Ndipo inu munandikhululukira zolakwa zanga ndi machimo anga.+ [Se′lah.]   Pa chifukwa chimenechi, aliyense wokhulupirika adzapemphera kwa inu,+ Pa nthawi imene inu mungapezeke.+ Ndipo madzi ambiri osefukira sadzamukhudza ngakhale pang’ono.+   Ndinu malo anga obisalamo, mudzanditeteza ku masautso.+ Mudzachititsa kuti chisangalalo chindizungulire pamene mukundipulumutsa.+ [Se′lah.]   Inu munati: “Ndidzakupatsa nzeru ndi kukulangiza njira yoti uyendemo.+ Ndidzakupatsa malangizo ndi kukuyang’anira.+   Anthu inu, musakhale ngati hatchi kapena nyulu* yosazindikira,+ Imene munthu amachita kuimanga chingwe chapakamwa ndi chapamutu kuti athetse kupulupudza kwake,+ Ndi kuti aiyandikire.”+ 10  Zopweteka za woipa ndi zambiri. Koma wokhulupirira Yehova+ amazunguliridwa ndi kukoma mtima kosatha.+ 11  Inu olungama, kondwerani chifukwa cha zimene Yehova wachita ndipo sangalalani.+ Fuulani ndi chisangalalo inu nonse owongoka mtima.+

Mawu a M'munsi

“Masikili” ndi mawu achiheberi amene tanthauzo lake silikudziwika. N’kutheka kuti amatanthauza “ndakatulo imene munthu amanena posinkhasinkha.”
Onani mawu a m’munsi pa 2Sa 13:29.