Zokhudza screen reader

Sankhani chinenero

Pitani ku menyu yachiwiri

Pitani ku mitu ya nkhani

Pitani ku nkhani yake

Mboni za Yehova

Chichewa

Baibulo la pa Intaneti

BAIBULO LA DZIKO LATSOPANO LA MALEMBA OPATULIKA

Masalimo 28:1-9

Salimo la Davide. 28  Ndikuitana inu Yehova.+ Inu Thanthwe langa, musatseke makutu anu pamene ine ndikuitana,+ Kuti musakhale chete pamaso panga,+ Kutinso ine ndisafanane ndi amene akutsikira kudzenje la manda.+   Imvani mawu anga ochonderera pamene ndikufuulira inu kuti mundithandize, Pamene ndikukweza manja anga,+ nditayang’ana kumene kuli chipinda chamkati cha m’malo anu opatulika.+   Musandikokolole pamodzi ndi anthu oipa komanso anthu amene amachita zopweteka anzawo,+ Anthu amene amalankhula mawu amtendere ndi anzawo+ koma m’mitima yawo muli zinthu zoipa.+   Muwabwezere mogwirizana ndi zochita zawo,+ Mogwirizana ndi kuipa kwa zochita zawo.+ Abwezereni mogwirizana ndi ntchito za manja awo.+ Abwezereni zochita zawo.+   Pakuti iwo salabadira zochita za Yehova,+ Kapena ntchito za manja ake.+ Mulungu sadzawamanga koma adzawapasula.   Adalitsike Yehova, chifukwa wamva kuchonderera kwanga.+   Yehova ndiye mphamvu yanga+ ndi chishango changa.+ Mtima wanga umam’khulupirira.+ Iye wandithandiza, moti mtima wanga ukukondwera.+ Ndidzamutamanda mwa kumuimbira nyimbo yanga.+   Yehova ndiye mphamvu kwa anthu ake,+ Iye ndi malo achitetezo odzetsa chipulumutso chachikulu kwa wodzozedwa wake.+   Pulumutsani anthu anu, ndipo dalitsani cholowa chanu.+ Mukhale m’busa wawo ndipo muwanyamule mpaka kalekale.+

Mawu a M'munsi