Zokhudza screen reader

Sankhani chinenero

Pitani ku menyu yachiwiri

Pitani ku mitu ya nkhani

Pitani ku nkhani yake

Mboni za Yehova

Chichewa

Baibulo la pa Intaneti

BAIBULO LA DZIKO LATSOPANO LA MALEMBA OPATULIKA

Masalimo 147:1-20

147  Tamandani Ya, anthu inu,+ Pakuti kuimbira Mulungu wathu nyimbo zomutamanda n’kwabwino,+ Ndipo n’kosangalatsa. Kumutamanda n’koyenera.+   Yehova akumanga Yerusalemu.+ Anthu okhala mu Isiraeli amene anabalalika akuwasonkhanitsanso pamodzi.+   Iye amachiritsa+ anthu osweka mtima,+ Ndipo amamanga zilonda zawo zopweteka.+   Amawerenga nyenyezi zonse,+ Ndipo zonsezo amazitchula mayina ake.+   Ambuye wathu ndi wamkulu ndipo ali ndi mphamvu zochuluka.+ Nzeru zake zilibe malire.+   Yehova amathandiza anthu ofatsa,+ Koma anthu oipa amawagwetsera pansi.+   Imbirani Yehova molandizana mawu nyimbo zomuyamikira anthu inu.+ Imbirani Mulungu wathu nyimbo zomutamanda ndi zeze.+   Muimbireni Iye amene amaphimba mapiri ndi mitambo,+ Amene amakonza mvula kuti igwe padziko lapansi,+ Amenenso amameretsa udzu wobiriwira m’mapiri.+   Iye amapatsa zilombo chakudya chawo,+ Amapatsanso ana a makwangwala chakudya chimene amalirira.+ 10  Iye sadalira mphamvu za hatchi,+ Kapena liwiro la miyendo ya munthu.+ 11  Yehova amasangalala ndi anthu amene amamuopa,+ Amene amayembekezera kukoma mtima kwake kosatha.+ 12  Yamika Yehova,+ iwe Yerusalemu. Tamanda Mulungu wako, iwe Ziyoni.+ 13  Pakuti walimbitsa mipiringidzo ya zipata zako. Wadalitsa ana ako amene ali mwa iwe.+ 14  Iye akukhazikitsa mtendere m’dziko lako.+ Ndipo akupitirizabe kukukhutiritsa ndi tirigu wabwino koposa.+ 15  Amatumiza mawu ake padziko lapansi,+ Ndipo mawu akewo amathamanga kwambiri. 16  Iye amapereka chipale chofewa kuti chikhale ngati ubweya wa nkhosa.+ Amamwaza mame oundana ngati kuti ndi phulusa.+ 17  Amaponya madzi oundana ngati nyenyeswa za chakudya.+ Ndani angaime m’chisanu chake?+ 18  Amatumiza mawu ake+ ndi kusungunula madzi oundanawo. Amachititsa mphepo yake kuwomba,+ Ndipo madzi amayenda. 19  Amauza Yakobo mawu ake,+ Ndipo amauza Isiraeli malangizo+ ake ndi zigamulo zake.+ 20  Sanachite zimenezi ndi mtundu wina uliwonse,+ Ndipo mitundu inayo sikudziwa zigamulo zake.+ Tamandani Ya, anthu inu!+

Mawu a M'munsi