Zokhudza screen reader

Sankhani chinenero

Pitani ku menyu yachiwiri

Pitani ku mitu ya nkhani

Pitani ku nkhani yake

Mboni za Yehova

Chichewa

Baibulo la pa Intaneti

BAIBULO LA DZIKO LATSOPANO LA MALEMBA OPATULIKA

Masalimo 108:1-13

Nyimbo ndi Salimo la Davide. 108  Mtima wanga wakhazikika, Inu Mulungu,+ Ndidzaimba nyimbo zokutamandani,+ Mtima wanga udzachitanso chimodzimodzi.+   Iwe choimbira cha zingwe, galamuka, ndi iwenso zeze.+ Ndidzadzuka m’bandakucha usanafike.+   Ndidzakutamandani pakati pa mitundu ya anthu, inu Yehova.+ Ndidzaimba nyimbo zokutamandani pakati pa mitundu ya anthu.+   Pakuti kukoma mtima kwanu kosatha n’kwakukulu ndipo kwafika kumwamba,+ Choonadi chanu chafika kuthambo.+   Inu Mulungu, kwezekani kupitirira kumwamba.+ Ulemerero wanu ukhale pamwamba pa dziko lonse lapansi.+   Kuti okondedwa anu apulumutsidwe,+ Tipulumutseni ndi dzanja lanu lamanja ndi kundiyankha.+   Pokhala woyera, Mulungu walankhula kuti:+ “Ndidzakondwa ndi kupereka Sekemu+ ngati gawo la cholowa.+ Ndipo ndidzayezera anthu anga chigwa cha Sukoti.+   Giliyadi+ ndi wanga ndipo Manase+ ndi wanganso. Efuraimu ndi malo otetezeka a mtsogoleri amene ine ndamuika.+ Yuda ndi ndodo yanga ya mtsogoleri wa asilikali.+   Mowabu+ ndi beseni langa losambiramo.+ Ndidzaponyera Edomu+ nsapato zanga.+ Ndidzafuula mosangalala+ chifukwa chogonjetsa Filisitiya.”+ 10  Ndani adzandibweretsa kumzinda wokhala ndi mpanda wolimba kwambiri?+ Ndani adzanditsogolera mpaka kukafika ku Edomu?+ 11  Ndinu Mulungu amene mungatichititse kupambana! Koma onani tsopano mwatitaya,+ Ndipo inu Mulungu wathu, simukupita kunkhondo pamodzi ndi magulu athu ankhondo.+ 12  Tithandizeni kuti tichoke m’masautso,+ Pakuti chipulumutso chochokera kwa munthu wochokera kufumbi n’chopanda pake.+ 13  Ndi thandizo la Mulungu, tidzalandira mphamvu,+ Ndipo Mulungu adzapondereza adani athu.+

Mawu a M'munsi