Zokhudza screen reader

Sankhani chinenero

Pitani ku menyu yachiwiri

Pitani ku mitu ya nkhani

Pitani ku nkhani yake

Mboni za Yehova

Chichewa

Baibulo la pa Intaneti

BAIBULO LA DZIKO LATSOPANO LA MALEMBA OPATULIKA

Masalimo 10:1-18

ל [La′medh] 10  N’chifukwa chiyani inu Yehova mukuima kutali?+ N’chifukwa chiyani mukubisala pa nthawi ya masautso?+   Modzikweza, woipa amathamangitsa wosautsika,+ Ndipo wosautsikayo amakodwa ndi maganizo amene woipa walingalira.+   Pakuti woipa amadzitamandira ndi zilakolako zake zadyera,+ Ndipo wopanga phindu lachinyengo+ amadzitamanda.נ [Nun]Iye amanyoza Yehova.+   Chifukwa cha kutukumuka mtima kwake, woipa safufuza kuti adziwe Mulungu.+ Iye amangoganiza kuti: “Kulibe Mulungu.”+   Zochita zake zimayenda bwino nthawi zonse.+ Zigamulo zanu zili pamwamba kwambiri pamene iye sangathe kuziona.+ Onse omuchitira zoipa amawanyodola.+   Mumtima mwake amanena kuti: “Sindidzagwedezeka.+ Palibe chimene chidzandichitikira ku mibadwomibadwo.”+ פ [Peʼ]   M’kamwa mwake mwadzaza matemberero, chinyengo ndi kupondereza ena.+ Pansi pa lilime lake pamatuluka mavuto ndi zopweteka ena.+   Iye amabisalira anthu pafupi ndi midzi. Amabisalira munthu wosalakwa ndi kumupha.+ ע [ʽA′yin]Maso ake amafunafuna waumphawi.+   Amadikirira anthu pamalo obisika ngati mkango pamalo ake obisalapo.+ Amawadikirira+ kuti atenge mokakamiza munthu wosautsika. Amakulunga wosautsika mu ukonde wake ndi kumutenga mokakamiza.+ 10  Wosautsikayo amaponderezedwa, amawerama ndi chisoni, Ndipo khamu la anthu achisoni limagwera m’manja amphamvu a woipayo.+ 11  Mumtima mwake+ amanena kuti: “Mulungu waiwala zochita zanga.+ Wabisa nkhope yake.+ Ndithudi, sadzaona kalikonse.”+ ק [Qohph] 12  Nyamukani,+ inu Yehova. Inu Mulungu, tukulani dzanja lanu.+ Musaiwale anthu osautsika.+ 13  N’chifukwa chiyani woipa amanyoza Mulungu?+ Mumtima mwake amati: “Simudzandiimba mlandu.”+ ר [Rehsh] 14  Inu mwaona mavuto ndi masautso. Mumawayang’anabe kuti muchitepo kanthu.+ Waumphawi,+ mwana wamasiye,* amadziikiza m’manja mwanu. Inu mwakhala mthandizi wake.+ ש [Shin] 15  Thyolani dzanja la woipa ndi wankhanzayo.+ Fufuzani zoipa zake zonse ndi kumulanga kufikira zoipazo zitatha.+ 16  Yehova ndi Mfumu mpaka kalekale, ndithu mpaka muyaya.+ Mitundu yatheratu padziko lapansi.+ ת [Taw] 17  Mudzamva kuchonderera kwa anthu ofatsa,+ inu Yehova. Mudzakonzekeretsa mitima yawo.+ Mudzatchera khutu lanu,+ 18  Kuti muweruze mwana wamasiye komanso woponderezedwa.+ Mudzatero kuti munthu wamba wochokera kufumbi asachititsenso anthu ena kunjenjemera.+

Mawu a M'munsi

Mawu ake enieni, “mwana wamwamuna wopanda bambo.”