Yáʼátʼééh, nihił oodlání nílı̨́:

Diyin Bizaad éí dineʼé aláahdi yaa halneʼgo tʼáá íídą́ą́ʼ nił bééhózin. Tʼóó ahayóí hastóí dóó sáanii dahodísin yę́ę, tʼáá nihí nahalingo tʼáá ałtso bichʼįʼ anídahaztʼiʼ ńtʼééʼ. Éí bí bintsékees “tʼáá nihígi átʼéé nítʼééʼ” (James 5:17) Łaʼ tʼáá íiyisí bichʼįʼ nidahwiisʼnááʼ dóó bijéí biʼdiiłʼáhígíí tʼóó adahayóí. Áádóó náánáłaʼ éí tʼáá bikʼéí danilíinii dóó oodlání yił áłah nídaadleeh yę́ę bíniʼ ádahoolaa. Díkwííshı̨́ı̨́ tʼáá bí daʼasiihígíí biniinaa tʼáá bí bíniʼ yąąh dah dahoołʼaʼ.

Éísh Jiihóvah tʼáá íiyisíí yitsʼá dahaaskai? Ndagaʼ. Éí yaa tʼóó ahayóí Psalmist yá sodoolzin yę́ę nidahojílin ńtʼééʼ, éí Psalmist kóníigo sozdoolzin: “Dibé yóóʼííyáhígíí nahalingo yóóʼííyá; ná naalʼaʼí nishłíinii hashinítá, háálá nibikʼeh óʼooʼníiłii doo baa yooshnéeh da.” (Psalm 119:176) Niísh ałdóʼ tʼáá ákótʼéego nitsíníkees?

Jiihóvah bá nidaalʼaʼí bitsʼá daskai yę́ę tsʼídá doo yee yoonéeh da. Ákótʼéego éí shaa náhidookah nízingo háí déezʼı̨́ı̨́ʼ—łahda áłah náʼádleehgi oodlání yił yah anájahígíí choyoołʼı̨́įgo yíká íilwoʼ. Kweʼé haneʼ átʼéhígi átʼéego, shą́ą́ʼ Job, díkwíigo shı̨́ı̨́ ałʼąą átʼéego bichʼįʼ nahwiisʼnááʼ, éí biniinaa ayóó átʼéego tiʼhojoozniiʼ, azhą́ ákótʼée ndi Jiihóvah háká eelwod—Job tʼáá átʼé hwee hólónę́ę tʼáá ałtso hatsʼą́ą́ʼ ásdįįd, haʼáłchíní tʼáá ałtso daneezná áádóó hatsʼíís ałdóʼ bąąh dah hooʼaʼ. Hakʼis bee haʼjólníi doo yę́ę tʼóó saad doo yáʼádaatʼéhígíí yee hachʼįʼ áda haasdzííʼ. Azhą́ shı̨́ı̨́ tʼóó kónígháníjįʼ haʼní yiyiilaa dóó doo ákótʼéego nitsíjíkees da ńtʼééʼ ndi, tʼáadoo Jiihóvah yitsʼą́ąjįʼ dah diiyáa da. (Job 1:22; 2:10) Jiihóvah lá haitʼéego Job yíká eelwodgo hazhóʼó nitsínídeezkééz.

Jiihóvah éí oodlání nilíinii Iiláíhu wolyéii, Job yichʼįʼ yiníłʼaʼgo yíká eelwod. Job yaa bíniʼígíí yee haadzíiʼgo, Iiláíhu áłtsé Job yiyíistsʼą́ąʼ áádóó índída yichʼįʼ haadzííʼ. Haʼátʼíísh bizhdidooniił? Job daatsʼí tʼáá naʼníleʼdii yichʼįʼ hadoodzih, doodaiiʼ akʼíhátʼááh daatsʼí bikʼijįʼ choizhdoołʼįįł? Daʼ Iiláíhuʼísh Job bilááh áníshtʼé nízin ńtʼééʼ? Ndagaʼ! God bí níłchʼi diyinii biʼdisnáago, Iiláíhu ání: “Jó, Diyin God bííʼ nílínígi átʼéego shí ałdóʼ bííʼ nishłı̨́; shí ałdóʼ łeezh bee áshiʼdiilyaa.” Áádóó Job yaa joobaʼgo ííłní: “Jó, shiniinaa doo nił yééʼ hodooleeł da, áádóó ándideeshniiłii bikʼee doo níniʼ yidooʼaał da.” (Job 33:​6, 7) Iiláíhu éí Job tiʼhooʼnííhígíí yaa ákoniizı̨́ı̨́ʼ, áko ayóóʼóʼóʼní bee yichʼįʼ haadzííʼ áádóó saad bee haʼahóní yee yichʼįʼ yáłtiʼ.

Tʼáá shǫǫdí, díí baa ákonínízin, díí naaltsoos éí tʼáá ákótʼéego ná hadadilyaa. Áłtsé éí łaʼ Jiihóvah yitsʼá haskai yę́ę hazhóʼó deísíníiltsʼą́ą́ʼ, bił ádahootʼéhígíí dóó bidaʼdiiłʼáhígíí yee nihił dahołneʼ. (Proverbs 18:13) Áádóó Diyin Bizaad choideeshʼįįłígíí, sohodizin bee ałkʼidą́ą́ʼ Jiihóvah bá nidaalʼaʼí yę́ę nidasiilkááʼ, éí haitʼéego Jiihóvah tʼáá dííshjı̨́įdi bidineʼé bił ádahootʼéhígíí haalá yitʼéego yíká eelwod. Akéeʼdi, éí díí nidasiilkááʼígíí ałkʼidą́ą́ʼ Jiihóvah bidineʼé bichʼįʼ anídahaztʼiʼígíí yę́ę dóó tʼáá dííshjı̨́įdi bá nidaalʼaʼí bił ałhąʼ nidasiiʼnilgo díí naaltsoos ádeiilyaa. Díí hazhóʼó dínííłʼįįł. Tʼáá shǫǫdí díí ayóóʼádanihííníiʼníinii baa ákodanohsin doo.

Jiihóvah Yá Dahalneʼé biHastóí Alą́ąjįʼ Daʼéeʼéshígíí