Daʼ . . .

  • Godʼísh nínízin?

  • bílaʼashdlaʼiiísh nínízin?

  • Séítanísh nínízin?

 DIYIN GOD BIZAAD ÉÍ KÓNÍ

“Doo yáʼáshǫ́ǫ́góó naagháii nihokáaʼgi tʼáá átʼéé nítʼééʼ bee bóhólníihgo ałdóʼ nihił béédahózin.”1 John 5:19.

“Diyin God biYeʼ éí níłchʼi bidaʼiiníziinii binanitʼaʼí binaanish íidoołdįįł yiniyé níyá.”1 John 3:8, Diyin God Bizaad (Navajo Revised).

DÍÍ ÁTʼÉEGO NÍKÁ ADOOLWOŁ

Nihił hoogáłígi anídahaztʼiʼígíí baa chʼíhwiitʼaah.Revelation 12:12.

Binahjįʼ deidiidląąłígíí éí díí kʼad nihił hoogáłígíí nizhónígo łahgo ánáá hodoonííł.1 John 2:17.

 DIYIN GOD BIZAAD ÁNÍNÍGÍÍSH TʼÁÁ ÍIYISÍÍ DEIDIIDLĄĄŁGO ÁTʼÉ?

Aooʼ, kǫ́ǫ́ łaʼ binahjįʼ deidiidląął:

  • Séítan binahatʼaʼ éí ndootʼihgo bá nihootʼą́. Jiihóvah éí tʼáá íiyisíí bíniʼ nilı̨́įgo Séítan bílaʼashdlaʼii yikʼih ádíhólnííhígíí niidoołtʼih. Jiihóvah “níłchʼi bidaʼiiníziinii binanitʼaʼí nilíinii ázhdoołdįįł” níigo yee ádee haadzííʼ, áádóó Séítan hóółchxǫʼígíí Jiihóvah ałtso hashtʼéii doodlííł.Hebrews 2:14.

  • God éí Jesus Christ nihokáaʼgi hooʼááł doo biniyé néiidiiłtı̨́. Séítan doo yitsʼíídgóó tʼáá bí tʼéiyá ádaa nitsíkeesgo hooʼááł, Jesus éí tsʼídá doo ákótʼée da. Jesus naatʼáanii nilínígíí binahjįʼ, God díí yee ádee haadzííʼ: “Badahojoobáʼíii áádóó hojoobaʼ nahasʼáanii yikʼédí nilı̨́ . . . Éí ade ádahósinii áádóó tiʼdaʼiyoołníihii bitsʼą́ąjįʼ bidaʼiinaʼ háidooʼnił.”Psalm 72:13, 14.

  • God éí doo biyoochʼííd da. Diyin God Bizaad tʼáadoo bahatʼaadí kóní: “Diyin God doo biyoochʼííd wóleʼ átʼée da.” (Hebrews 6:18) Jiihóvah éí haʼátʼííshı̨́ı̨́ ádeeshłííł niihgo yee ádee hahadziihígíí, tʼáá íídą́ą́ʼ łaʼ yidzaago baa ntsáhákees! (Isaiah 55:10, 11) “Nahasdzáán binanitʼaʼí chʼíhidoolghą́ą́ł.”John 12:31.

 DÍÍ BAA NITSÍNÍKEES DOO

Doo yáʼáshǫ́ǫ́góó naagháii nihokáaʼgi hooʼááłígíí chʼíhoolghan dóó bikʼijįʼ, nihokáaʼgi haash hootʼéii doo?

Diyin God Bizaad éí kweʼígi nił hodoolnih PSALM 37:10, 11 dóó REVELATION 21:3, 4gi.