Hastiin beʼasdzą́ą́ yóóʼazhdiʼaahgo Mózes bibee hazʼáanii naaltsoos bikʼehgo ałtsʼáʼdootʼashígíí hazhdiiłʼįįh. Éí binahjįʼ ahéʼéskéhígíí doo tsxı̨́įłgo ałtsʼáʼdootʼash da. Ákondi, Jesus bíyoołkááł yę́ędą́ą́ʼ hastóí ánaazíiníí éí ałtsʼáʼdootʼashígíí doo bá nantłʼagóó ádeiyiilaa. Íídą́ą́ʼ tʼáá azlı̨́ʼígíí biniinaa hastiin éí beʼasdzą́ą́ yóóʼiididooʼááł ńtʼééʼ. (“certificate of dismissal” study note—Mr 10:4, nwtsty; “divorces his wife,” “commits adultery against her” study notes—Mr 10:11, nwtsty) Jiihóvah tʼáá ałtsoní áyiilaadą́ą́ʼ ahéʼéskéhígíí haidiilaa, Jesus éí hastóí ánaazíiníí yił ííshjání áyiilaa. (Mr 10:2-12) Ahastiin dóó eʼasdzą́ą́ éí “atsʼíís tʼááłaʼí jileeh” éí hoolʼáágóó ahił hojílǫ́ǫ doo. Matthew yahalneʼígíí éí “azhdííláago”tʼéiyá ałtsʼázhdootʼash.​—Mt 19:9.

Dííshjı̨́įdi, ląʼí diné éí ahéʼéskéhígíí Férisiiz nahalingo deiníłʼı̨́, Jesus éí ndagaʼ. Hooghan hazʼą́ągi bichʼįʼ anídahaztʼiʼ haleehgo ałhíjískée yę́ę tsxı̨́įłgo ałtsʼáʼjííʼash danízin. Oodlání bichʼooní dahólónígíí bee ádee hajoodzíʼígíí ayóó ílı̨́įgo yaa nitsídaakees áko bichʼįʼ anídahaztʼiʼ haleehgo éí Diyin Bizaad bikʼehgo oodáałii yikʼeh dahółʼı̨́. Video Ayóóʼóʼóʼní dóó Ił Ídlı̨́ Hooghan Hazʼánígíí Łáʼí Áyiiłʼįįh wolyéhígíí daníilʼı̨́ı̨́ʼ bikéédóó, díí ndaʼídíkidígíí baa nídadíitʼįįł:

  • Ahísółkéhígíí haitʼéego Proverbs 15:1 bikʼeh honíłʼı̨́į doo áádóó haʼátʼíí biniyé nihił ílı̨́į doo?

  • Haitʼéego Proverbs 19:11 bikʼeh honíłʼı̨́įgo nichʼįʼ anídahaztʼiʼígíí bitsʼą́ąjįʼ ánítʼée doo?

  • Ahísółkéhígíí kʼadę́ę ałtsʼáʼnooʼash bichʼįʼ hoolzhishgo, ‘Ałtsʼáʼdiitʼash daatsʼí?’ ákondi, haʼátʼíísh naʼídíkidígíí áłtsé baa nitsíníkees doo?

  • Haitʼéego Matthew 7:12 hoł nilı̨́įgo ahastiin dóó eʼasdzą́ą́ yee yíká adoolwoł?