HAʼÁTʼÍÍ BINIYÉ ÍLĮ́ĮGO BAA NITSÁHÁKEES: Diyin Bizaad bee nidaniitinígíí éí yá hashtʼe ádaʼdólzingo hazhóʼó bee nidaniitinígíí yikʼidaʼdiitįįh dóó yéédaalniih doo. Yéigo akʼidaʼdiitįįh dóó tʼáá yéédaalniihgo éí tʼáá tsxı̨́įłgo óhoołʼaah dooleeł. Baptize ábiʼdiilyaa bikééʼdóó áłah náʼádleeh dóó nidaʼnitingo biniyé hashtʼe ádólzingo yee haʼídéesʼı̨́įʼ doo. (Mt 25:13) Jó ákótʼéego íhooʼaah éí jółtaʼígíí baa nitsíjíkeesgo bíhojiiłʼaahígíí bee hijináa doo. Tsʼídá bee hahoolzhiizhdę́ę́ʼ éí Diyin Bizaad bee nanitinígíí bíká anánílwoʼgo yee íhoołʼaahígíí yá hashtʼe ádólzin doo.

HAITʼÉEGO ÁʼDÍÍLÍÍŁ:

  • Yáʼátʼéehgo áánííł. (Ro 2:21) Nanitinígíí baa nitsíníkeesgo bíhooʼaahígíí hashtʼe ánéílʼįįh. (km-E 11/15 3) Ní naaltsoos biyiʼ saad biyaa daʼsiinízohígíí yidínóołʼįįł

  • Hashtʼeʼ ádíínílzin bididíiniił. Diyin Bizaad bíhooʼaah bee lą́ azlı̨́įʼgo, bá hashtʼeʼáníʼdiilʼįįh bididíiniił áko Diyin Bizaad bíhojoołʼaahgo éí doo nanitłʼagóó bíká análwoʼ doo. Haashı̨́ı̨́ yitʼéego tʼáá bí yaa nahołʼaah dóó hashtʼeʼ ánáyiilʼįįh dooleełígíí bee bíká adiilwoł. Łaʼ bádaʼóltaʼii éí binaaltsoos biiʼ saad daʼílínígíí biyaa daʼasdzohgo daʼóltaʼii yinahjįʼ ídahoołʼaah. Hashtʼe íinilaaígíí, “nizhónígo íinilaa,” nábidíʼniih

  • Bił hashtʼe díílííł. Tʼóó átséedi Diyin Bizaad bee nazhnitinígíí tʼáá áłtséedi bá hashtʼeʼ ánáyiilʼįįh doogo íhoołʼaahii bee nazhdínóotı̨́ı̨́ł