Jáshowa dóó Sálaman éí Jiihóvah tʼáá aaníí saad yee ádee haadzíʼígíí bikʼehgo áhoonííł. (Jos 23:14; 1Ki 8:56) Díí hastóí bibeʼoodląʼ bidziilgo bee baʼódlíigo, nihí ałdóʼ niheʼoodląʼ bidziilgo ádiilnííł.—2Co 13:1; Tit 1:2.

Jáshowa tʼah hiná yę́ędą́ą́ʼ, díí Jiihóvah yee ádee haadzííʼ haitʼéego tʼáá aaníí silı̨́ı̨́ʼ? Nihighan hazʼánígi éí díí video ‘Not One Word Has Failed’ dadíníilʼįįł. Áádóó bikéédóó naʼídídíilkił: (1) Réíhab éí bibeʼoodląʼ haitʼéego nihí ałdóʼ éí bee biʼdiilnííł? (Heb 11:31; Jas 2:24-26) (2) Éíkan éí doo Jiihóvah yíístsʼą́ąʼ da, dóó doo akʼeh hojííłʼįįd da, haʼátʼíísh bitsʼą́ą́dóó bídahwiidiilʼááł? (3) Gíbiyan dineʼé éí siláo danilíinii, haʼátʼíísh biniinaa Jáshowa bichʼįʼ dahayoochʼííd dóó Ízrel dineʼé yił kʼé nídahásdlı̨́ı̨́ʼ? (4) Ámor dineʼé aláahgo bindanitʼaʼí ashdlaltʼéego éí Ízrel dineʼé bee atídoolnííł, haitʼéego Jiihóvah bizaad éí tʼáá aaníí áhoodzaa? (Jos 10:5-14) (5) God biNahatʼaʼ dóó bí tʼáá ákogi átʼéii alą́ąjįʼ íinízingo, áko haitʼéego Jiihóvah níká eelwod?—Mt 6:33. Jiihóvah nihá ádayiilaaígíí, kʼad ííléhígíí, dóó náásgóó íidoolíłígíí baa nitsídeikeesgo éí Jiihóvah yee ádee haadzííʼ yę́ę, yee niheʼoodląʼ niłdzilgo ííníilzin doo.—Ro 8:31, 32.

Jáshowa nahalingo, neʼoodląʼísh niłdzil?