Jiihóvah God éí bílaʼashdlaʼii bikʼehgo iinánígíí yá áyiilaa. Bee hazʼáanii áníigo, hastiin dóó beʼasdzą́ą́ ałhijishkehígíí doo ninítʼiʼgo há áyiilaa. (Mt 19:4-6, 9) Naʼageh bee tsiʼdajíkáahii bił ahídadéétʼiʼígíí tʼáá ałtso yijoołxá. (1Co 6:9, 10) Hadadítʼéiigi dóó ádadiilzhǫǫhígi éí Diyin Bizaad bikʼehgo oodáłígíí yee nílá, áko bidineʼé doo náánáłaʼ bił aheełtʼéii da.—De 22:5; 1Ti 2:9, 10.

Dííshjı̨́įdi, diné tʼóó ahayóí éí Jiihóvah bikʼehgo oodáłígíí doo deinízin da. (Ro 1:18-32) Yee hadadítʼéiigi, ádadiilzhǫǫhígi, dóó ádajítʼéegi éí diné ádaanínígíí íiyisíí yikʼehgo ádaatʼé. Tʼóó ahayóí diné tʼóó baaʼihgo ádaʼoolʼįįł, áko łahgo ádaatʼéego ádaʼoolʼįįłígíí yikʼijįʼ yádaałtiʼ.—1Pe 4:3, 4.

Jiihóvah Yá Dahalneʼé daniidlínígíí, doo nídeildzidgóó God bikʼehgo oodáłígíí bikʼeh ádeitʼı̨́. (Ro 12:9) Haitʼéego? God tʼáá bí íinízinígíí bikʼeh yiidáałgo bił ííshjání ííłʼı̨́. Ndi Jiihóvah bikʼeh oodáałgo éí tʼáá áłahájįʼ aláahgo ííníilzin doo. Ééʼ nízhdiiłtsoosgo dóó haitʼéego ádazhdilzhóní doo, díí baa nitsíikees doo: ‘Bee hadiníshtʼéhígíísh Jiihóvah bikʼehgo doodaiiʼ diné bikʼehgo daatsʼí? Oodlání nishłı̨́įgoósh bee shééhoʼdílzin?’ Doodaiiʼ tʼáadoo leʼé biʼníilʼı̨́įʼgo, díí baa nitsíikees doo: ‘Jiihóvaásh bił yáʼátʼééh? Háílá bikʼehgo oodáałii baa hwiiʼniih doo? Honeeninii kódaatʼéhígíí, Jiihóvah bikʼeh honishʼı̨́į yę́ę doo bidziilgoósh íidoolííł? (Ps 101:3) Shighan hazʼą́ągi doodaiiʼ nááná háiidaásh bee dínéeshtłʼa?’—1Co 10:31-33.

Haʼátʼíísh biniyé Jiihóvah bikʼehgo oodáłígíí bikʼeh dahiniiʼnáa doo? Hodíínaʼdóó Christ Jesus éí tʼáá ałtso doo yáʼádaashxónígíí íidoołdįįł. (Eze 9:4-7) God íinízinígíí yikʼehgo ádaaníiłii éí dadoodzih. (1Jo 2:15-17) Haleebee Jiihóvah bikʼehgo yiidááł, áko ádaniitʼéhígíí diné hadanihisíidgo éí yee Jiihóvah yaa dahaniih doo.—1Pe 2:11, 12.

Hadadítʼéiigi dóó ádadiilzhǫǫhígi haitʼéego Jiihóvah bikʼehgo oodáłígíí bee bééhózin?

VIDEO JIIHÓVAH BIKʼIS DÍÍLÉÉŁ—HASTIIN DÓÓ ASDZĄ́Ą́ TʼÁÁŁAʼÍ BEE NANINÉ, ÁÁDÓÓ DÍÍ NDAʼÍDÍKIDÍGÍÍ BAA NITSÍIKEES DOO:

  • Haʼátʼíísh biniinaa Jiihóvah bikʼehgo oodáłígíí hódzą́ átʼé?

  • Amá dóó azhéʼé danilíinii, haʼátʼíísh biniinaa haʼáłchíní tʼáá ádaałtsʼísídą́ą́ʼ Jiihóvah bikʼehgo oodáłígíí bee nazhnitin doo?

  • Ániid nidaakaígíí dóó náás daazlı̨́ʼígíí, haitʼéego God yee yáʼádaatʼéehii yee diné yíká anájah doo?