Jesus nahasdzáán bikáaʼgi naaghá yę́ędą́ą́ʼ, Gáliliidi atah honílǫ́ǫgo baa nitsíníkees. Chahaʼohgi hodílzingo áłah náʼádleeh biniyé Jerúsalemgóó yíníyá. Ákweʼé Jiihóvah bidineʼé daʼníłtsʼą́ą́dę́ę́ʼ kintahgi áłah silı̨́ı̨́ʼ. Jiihóvah bichʼįʼ nááʼiiniih nínízin. Kin biiʼ sohodizin bichʼįʼ yinááł. Hasłą́ą́ bitah góneʼ tłʼízí yilóosgo yínááł. Áadi yíníyáago, diné tʼóó áhojiiyóí éí náádaʼiiłniih yiniyé ahíikai. Índa naa nááhoolzhíizhgo, ni tłʼízí nááʼiiłniihii baa nílóóz. Nikʼis ałdóʼ shı̨́ı̨́ kintahgi atah hojílǫ́. Éí haʼátʼííshı̨́ı̨́ nikʼijįʼ yisʼą́. Haash díínííł? Jesus yę́ę haadzííʼ yę́ę béénílniih. (Matthew 5:24 yíníłtaʼ.) Haitʼéego ni dóó nikʼis kʼé náʼahididooʼniił? Díí wóyahgi baa haneʼígíí, tʼáá aanínígíí yaa halneʼígíí bikʼiʼadíízoh.

KÓDÍÍNÍÍŁ . . .

  • nikʼis doo nichʼįʼ ákótʼéégóó tʼéiyá bichʼįʼ hadiidzih

  • áhání siʼą́ągo doodaiiʼ akʼeh hatʼáá nikʼis yaa nitsíkeesígíí hashtʼe nánídleeh

  • hazhóʼó nikʼis yísíníłtsʼą́ą́ʼ, azhą́ doo íiyisíí bikʼidiitįįh da ndi, haitʼéego yikʼee doo áhoodzaa yę́ę doodaiiʼ bikéédóó áhoodzaaígíí hazhóʼó bił kʼé náʼahididííʼniił

NIKʼIS KÓDOONÍÍŁ . . .

  • yił áłah nádleehígíí áátʼįįdígíí yił hodoolnih, bichʼijí dadooleeł ákwíizhnízin

  • doo ákwáátʼįįdígíí yee nił hodoolnih, ni ánítʼı̨́ nididooniił

  • doo náhinilyées da dóó aa joobaʼ bichʼįʼ ííshjání íinilaa yaa ákoniizı̨́ı̨́ʼ, éí bichʼįʼ díínááł dóó baa náhodidííʼááł

Azhą́ naaldlooshii doo náádahiilniih da ndi, nihikʼis bił kʼé ahidiiʼnínígíí éí Jiihóvah bá nideilʼaʼgi bił ahídéétʼiʼ, díí haitʼéego Jesus yee naʼneeztą́ą́ʼ?