Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

BAFSA BA A BOTŠIŠA

Nka Tutuetšwa Ke’ng Gore ke Itšhidulle?

Nka Tutuetšwa Ke’ng Gore ke Itšhidulle?

Beibele e re: “Go tlwaetša mmele go [a] hola.” (1 Timotheo 4:8) Lega go bjalo, bafsa ba bantši bao ba rego: “Ke swanetše go itšhidulla,” ba fo ba ba sa bonagale ba na le mafolofolo a go dira seo ba se nagannego.

“O ka se kgolwe gore ke bana ba bantši gakaakang bao ba bego ba sa atlege ge re itšhidulla ge ke be ke le sekolong se se phagamego. E be e le selo se bonolo kudu go fo swana le go ja dijo tša matena!”—Richard wa nywaga e 21.

“Ba bangwe ba nagana gore: ‘Ke ka baka la’ng o swanetše go kitimakitima ka ntle letšatšing leo le fišago go fihlela o etšwa kudumela e bile o lapa, mola o ka bapala papadi ya bidio yeo e dirago gore o itire motho yo mongwe yo a dirago seo?’ ”—Ruth wa nywaga e 22.

Ge e ba o ikwa ka tsela e swanago, ela hloko mehola e meraro ya go ba le lenaneo le lebotse la go itšhidulla.

Mohola 1. Go itšhidulla go matlafatša mmele wa gago go lwantšha malwetši. Rachel wa nywaga e 19 o re: “Ka mehla tate o be a re, ‘Ge e ba o sa kgone go hwetša nako ya go itšhidulla, gona o tla hwetša ya go babja.’

Mohola 2. Go itšhidulla go ntšha dikhemikhale tša ka bjokong tšeo di go dirago gore o iketle. Emily wa nywaga e 16 o re: “Go kitima go a nthuša ge e ba ke na le dilo tše dintši tšeo ke naganago ka tšona. Ke ikwa ke lapologile mmeleng gomme ke imologile kudu maikwelong.

Mohola 3. Go itšhidulla go ka oketša lethabo la gago. Ruth o re: “Ke rata go ba ka ntle, ka gona gare ga dilo tšeo ke di dirago ge ke itšhidulla ke go yo namela dithaba, go rutha le go ragela paesekele.

Sephiri sa Gore o Atlege: Bonyenyane diriša metsotso e 20 gararo ka beke o dira mošomo wa diatla o thata woo o o thabelago.

Gopola se: Le ge leabela le kgatha tema, boemo bja mmele wa gago gantši bo laolwa ke tsela yeo o kgethago go phela ka yona. Ka gona, ge o re: “Ke swanetše go itšhidulla,” kgetho ke ya gago; o ka dira seo ge o nyaka!