Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

BAFSA BA A BOTŠIŠA

Nka Dira’ng Gore ke Robale Nako e Oketšegilego?

Nka Dira’ng Gore ke Robale Nako e Oketšegilego?

Beibele e re: “Seatla se se tletšego khutšo se phala diatla tše pedi tše di tletšego boitapišo gotee le go kitimiša phefo.” (Mmoledi 4:6) Ge o sa robale gabotse, o ka se kgone go šoma gabotse!

“Ge e ba ke se ka robala ka mo go lekanego, ga ke kgone go nagana gabotse. Ke ba le bothata bja go tsepamišetša kgopolo selong le ge e le sefe!”—Rachel wa nywaga e 19.

“Mo e ka bago ka iri ya bobedi thapama, ke lapa kudu moo ke ikwago eka nka robala ke dutše ke boledišana le motho!”—Kristine wa nywaga e 19.

Na o nyaka go robala nako e teletšana? Se se latelago ke seo tše dingwe tša dithaka tša gago di se dirilego.

Phema go robala bošego kudu. Catherine wa nywaga e 18 o re: “Ke be ke dutše ke dira boiteko bja gore ke se ke ka robala bošego kudu.

Phema go bolela le bagwera ba gago go fihla bošego kudu. Richard wa nywaga e 21 o re: “Ka dinako tše dingwe bagwera ba ka ba nteletša mogala goba ba nthomela melaetša bošego kudu, eupša matšatši a ke ithutile go kgaotša poledišano gomme ke robale.

Robala ka nako gomme o tsoge ka nako e swanago. Jennifer wa nywaga e 20 o re: “Matšatši a ke leka gore ka mehla ke robale le go tsoga ka nako e swanago.

Sephiri sa Gore o Atlege: Katanela gore bonyenyane bošego bjo bongwe le bjo bongwe o robale diiri tše seswai.

O ka holega kudu ka go fo gata megato e sego kae e bonolo ya gore o robale ka mo go lekanego. Gopola gore go ba le boemo bjo bobotse bja tša maphelo go tla go thuša gore o bogege kaone, o ikwe o phetše gabotse e bile o šome gabotse.

Ka go se swane le dilo tše itšego bophelong, boemo bja gago bja tša maphelo ke selo seo o ka se laolago ka tekanyo e itšego. Erin wa nywaga e 19 o re: “Se se šalago ke gore, boemo bja gago bja tša maphelo bo ithekgile ka motho o tee feela, bo ithekgile ka wena.