Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

Nka Ganetša Diteko Bjang?

Nka Ganetša Diteko Bjang?

Seo o ka se dirago

Sa pele, tseba gore o tlo ikarabela ka ditiro tša gago—go sa šetšwe seo bagwera ba gago ba se dirago.

Sa bobedi, lemoga teko yeo go lego thata go e fenya.

Ke moka, ipotšiše gore: ‘Ke neng moo go nago le kgonagalo e kgolo ya gore teko yeo e tšwelele?’ (Ge ke le sekolong? Ge ke le mošomong? Ge ke le lefelong le lengwe?) Go tseba nako yeo ka yona go ka diregago gore teko e tšwelele go ka ba gwa go thuša go e phema ka mo go feletšego.

Bjale, o loketše go gata mogato. Selo sa pele ke gore o tsebe kamoo o ka fokotšago goba wa fediša tsela yeo o ka kopanago le teko ka yona. (Mohlala: Ge e ba ka mehla ge sekolo se tšwile o kopana le bana bao o tsenago sekolo le bona bao ba go gapeletšago gore o kgoge le bona, mohlomongwe o ka fetoša tsela yeo o sepelago ka yona gore o pheme go kopana le bona.) Therešo: Batho bao go thwego ke bagwera eupša ba go gapeletša go dira dilo tše mpe ge e le gabotse ga se bagwera ba kgonthe.

Ge o ineela tekong, o fetoga lekgoba la dikganyogo tša gago

Ke therešo gore o ka se pheme diteko ka moka. Go ka direga gore go se go ye kae o lebeletšane le teko e matla kudu—mohlomongwe ka nako yeo o bego o sa e letela. O ka dira’ng ge go le bjalo?

Senotlelo ke gore o dule o itokišitše!

Ela hloko se: Jesu o be a tseba gore o eme kae ditabeng tša boitshwaro. O be a ikemišeditše go kwa Tatagwe ka dinako tšohle. (Johane 8:28, 29) Ka gona, senotlelo ke go tseba boemo bja gago e sa le pele.

Seo o ka se dirago. Bona ge e ba o ka kgona go nagana ka mabaka a mabedi ao ka ona o swanetšego go ganetša teko yeo o kopanago le yona gantši le ditsela tše pedi tšeo o ikemišeditšego go di diriša tšeo di tlago go go thuša go e ganetša.

Ke ka baka la’ng o swanetše go itumelela go laolwa ke batho ba bangwe? Eba yo a godilego ka mo go lekanego gore o kgone go dira seo o tsebago gore se nepagetše. (Bakolose 3:5) Le gona o rapelele gore o tšwele pele o dira bjalo.—Mateo 6:13.

 

Ithute ka mo go oketšegilego

Dipotšišo tša Bafsa, Bolumo 2

Tše dingwe tša ditaba tšeo di ahlaahlwago ka pukung ye di mabapi le sekolo, boitapološo, dithaka, batswadi, diphetogo bophelong, maikwelo a gago le batho ba bong bjo bo fapanego le bja gago.

Kamoo o ka Fenyago Kgateletšo ya Dithaka

Kgateletšo ya dithaka e ka dira gore batho ba lokilego ba dire dilo tše mpe. Ke’ng seo o swanetšego go se tseba ka yona, le gona o ka lebeletšana bjang le yona?

Go Thwe’ng ge e ba ke Gatelelwa go ba le Thobalano?

Na go ineela go na le mohola? Na o tla itshola?