Eya go dikagare

Eya go menyu wa bobedi

Dihlatse tša Jehofa

Sepedi

Nka Kgaotša Bjang go Dula ke Nagana ka Thobalano?

Nka Kgaotša Bjang go Dula ke Nagana ka Thobalano?

Seo o ka se dirago

Kgetha ka kelohloko batho bao o tlwaelanago le bona. Ge e ba bagwera ba gago le bao o tsenago le bona ka klaseng ba thoma go bolela ka thobalano ka tsela e gobogilego, go tšea karolo poledišanong go tla fo go thatafaletša go laola dikgopolo tša gago. Gantši o ka hwetša tsela ya go tloga moo ntle le gore o bonagale o itira moloki le go dira gore o kwerwe.

Na o be o ka dumelela virus ya khomphutha e hlasela khomphutha ya gago? Bjale ke ka baka la’ng o dumelela dikgopolo tše di gobogilego di tsena ka monaganong wa gago?

Phema boithabišo bjo bo gobogilego. Bontši bja boithabišo bja lehono bo hlametšwe go tsoša maikwelo a fošagetšego a thobalano. Beibele e nea keletšo efe ka taba ye? E re: “A re itlhwekišeng ditšhila tšohle tša nama le tša moya, re phethagatša bokgethwa ka go boifa Modimo.” (2 Bakorinthe 7:1) Phema boithabišo bjo bo ka tsošago dikganyogo tše di gobogilego tša thobalano.

Gopola se: Maikwelo a thobalano ga se sebe. Go ba gona, Modimo o bopile monna le mosadi gore ba kgahlegelane kudu e bile ga se phošo go kgotsofatša kganyogo ya thobalano lenyalong. Ka gona, ge e ba o eba le maikwelo a tseneletšego a thobalano, o se ke wa nagana gore ka tlhago ga o na boitshwaro goba gore o ka se kgone go hlweka boitshwarong.

Therešo e sa fetogego: O ka kgetha seo o tlago go dumelela monagano wa gago gore o dule o nagana ka sona. Ge e ba o rata, o ka hlweka monaganong le boitshwarong!

 

Ithute ka mo go Oketšegilego

BAFSA

Dipotšišo tša Bafsa, Bolumo 1

Tše dingwe tša ditaba tšeo di ahlaahlwago ka pukung ye di mabapi le bjala le dihlaretagi, thobalano e gobogilego, go ratana gotee le lefereyo.