Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

BAFSA BA A BOTŠIŠA

Ke Swanetše go Dira’ng ge ke Tshetše Molao wa ka Gae?

Ke Swanetše go Dira’ng ge ke Tshetše Molao wa ka Gae?

Tše ke dilo tšeo o ka di dirago gore boemo bo se ke bja mpefala.

Bolela therešo. Ge e ba o sa bolele therešo, batswadi ba gago ba ka se sa go bota. Ka gona, botega gomme o hlalose ditaba ka botlalo.—Diema 28:13.

  • Phema go itokafatša goba go bebofatša seo se diregilego.

  • Ka mehla gopola gore “karabo ge e le boleta e phohliša pefelo.”—Diema 15:1.

Kgopela tshwarelo. Go bontšha go itshola le go nyama ka seo o se dirilego goba mošomo o montši woo o o bakilego ke gabohlokwa e le gore kotlo ya gago e se ke ya ba e šoro. Lega go le bjalo, o swanetše go itshola go tšwa pelong.

Amogela ditlamorago. Go amogela ditlamorago tša ditiro tša gago ke leswao la go bontšha go gola. Selo sa bohlokwa ke gore o katanele go botwa ke batswadi ba gago gape.—Diema 20:11.

Gopola gore batswadi ba gago ba na le boikarabelo bja go laola ditiro tša gago ka tsela e itšego. Ke ka baka leo Beibele e bolelago ka “taelo ya tatago” le “molao wa mmago.”—Diema 6:20.

Ge e ba o nyaka gore batswadi ba gago ba go nee tokologo e oketšegilego:

  • Dula o theetša melao ya bona.

  • Katanela go dira gore go kwa e be karolo ya seo o lego sona le seo o se dumelago.