Eya go dikagare

Eya go menyu wa bobedi

Dihlatse tša Jehofa

Sepedi

BAFSA BA A BOTŠIŠA

Nka Swaragana Bjang le Melao ya Batswadi ba ka?

Nka Swaragana Bjang le Melao ya Batswadi ba ka?

Mohlomongwe o ka ba o tseba bafsa bao e lego dithaka tša gago bao ba sepelago bošego, bao ba aparago selo lege e le sefe seo ba se ratago le bao ba kgonago go ya kae goba kae le bagwera ba bona ka nako ya bona. Mohlomongwe batswadi ba bona ba swaregile kudu go ka lemoga seo bana ba bona ba se dirago.

Beibele e bontšha gore ye ga se tsela e botse ya go godiša bana. (Diema 29:15) Lefase le leo le se nago lerato le bakwa ke batho bao ba se nago taba le ba bangwe, bao bontši bja bona ba godišeditšwego malapeng ao a bego a tlogelela dilo.—2 Timotheo 3:1-5.

Go e na le gore o dume bafsa bao ba dumeletšwego go dira selo lege e le sefe seo ba se ratago, leka go lebelela melao ya batswadi ba gago e le bohlatse bja go bontšha gore ba a go rata le go tshwenyega ka wena. Ge ba go thibela go dira dilo tše itšego, ba ekiša Jehofa Modimo yo a boditšego batho ba gagwe gore:

“Ke tla dira gore o be le temogo gomme ka go ruta tsela yeo o swanetšego go sepela ka yona. Ke tla nea keletšo leihlo la ka le le go wena.”—Psalme 32:8.