Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

Go Thwe’ng ge e ba ke Gatelelwa go ba le Thobalano?

Go Thwe’ng ge e ba ke Gatelelwa go ba le Thobalano?

O ka ipotšiša gore: “Na ga go kaone go ineela? Go ba gona, na batho ka moka ga ba be le thobalano?”

Ema o nagane!

Therešo: Ga se batho ka moka ba bago le thobalano.

Therešo ke gore o ka bala ka dipalo tša godimo tša bao ba bago le thobalano. Ka mohlala, nyakišišo e dirilwego United States e utollotše gore ge bafsa ba fetša sekolong se se phagamego, ba babedi go ba bararo nageng yeo ba ba ba bile le thobalano. Eupša seo gape se bolela gore motho o tee go ba bararo—e lego palo e nyenyane—ga ba dire bjalo.

Go thwe’ng ka bao ba bago le thobalano? Banyakišiši ba hweditše gore bafsa ba bantši ba bjalo ba phafošwa gabohloko ke e tee goba go feta moo ya dilo tše di latelago.

Kgateletšego. Bafsa ba bantši ba ba bilego le thobalano pele ga lenyalo ba bolela gore ba ile ba itshola ka morago.

Go ba le thobalano pele ga lenyalo go swana le go tšea seswantšho se sebotse gomme wa se dira mmete wa mojako

Go se botane. Ka morago ga go ba le thobalano, yo mongwe le yo mongwe o thoma go ipotšiša gore: ‘Ke motho ofe yo mongwe yo a robetšego le yena?’

Go iphora. Ka garegare banenyana ba bantši ba ka kgetha go ba le motho yo a tlago go ba šireletša e sego yo a tlago go ikhola ka bona. Le gona bašemane ba bantši ga ba nape ba kgahlwa ke ngwanenyana yo a ineelago dikgoketšong tša bona.

Therešo e sa fetogego: Mmele wa gago o bohlokwa kudu gore o ka fo o gafela motho yo mongwe. Bontšha gore o na le sebete sa go kwa taelo ya Modimo ya gore o ile bootswa. Ke moka, ge e ba ka letšatši le lengwe o ka tsena lenyalong, o ka ba le thobalano. Le gona o tla e thabela ka botlalo, o sa belaele, o sa itshole e bile o ikwa o šireletšegile go ditlamorago tšeo gantši di tlišwago ke go ba le thobalano ya pele ga lenyalo.—Diema 7:22, 23; 1 Bakorinthe 7:3.

 

Ithute ka mo go oketšegilego

Dipotšišo tša Bafsa, Bolumo 2

Tše dingwe tša ditaba tšeo di ahlaahlwago ka pukung ye di mabapi le sekolo, boitapološo, dithaka, batswadi, diphetogo bophelong, maikwelo a gago le batho ba bong bjo bo fapanego le bja gago.