Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

BAFSA BA A BOTŠIŠA

Nka Boledišana Bjang le Batswadi ba ka ka Melao ya Bona?

Nka Boledišana Bjang le Batswadi ba ka ka Melao ya Bona?

Seo o se hlokago: Bokgoni bja poledišano

Poledišano e botse ke sedirišwa sa bohlokwa seo se ka

  • thušago ba bangwe go go kwešiša.

  • go thušago go kwešiša lebaka leo le dirago gore ba bangwe ba gane seo o se nyakago.

Therešo ke gore ge e ba o nyaka go swarwa bjalo ka motho yo a godilego, ke mo go kwagalago gore le wena o itshware bjalo ka motho yo a godilego. O ka dira seo bjang?

Ithute go laola maikwelo a gago. Go ba le poledišano e botse go nyaka gore o be le boitshwaro. Beibele e re: “Setlaela se ntšha bogale bja sona ka moka, eupša yo bohlale o thekga ditho go fihla mafelelong.”—Diema 29:11.

Ntlha ke efe? Phema go hlaba mašata, go befelwa, go bethantšha mejako goba go kibakiba o dikologa ntlo. Boitshwaro bja mohuta wo bo ka dira gore o newe melao e oketšegilego—go e na le go hwetša tokologo e oketšegilego.

Leka go kwešiša pono ya batswadi ba gago. Ka mohlala: Mohlomongwe batswadi ba gago ba dikadika go go dumelela gore o ye moletlong o itšego. Go e na le gore o ngangišane le bona, mohlomongwe o ka ba botšiša gore:

“Go ka ba bjang ge nka sepela le mogwera yo a godilego le yo a ka botwago?”

Batswadi ba gago ba ka buša ba se dumele. Eupša ge e ba o kwešiša seo ba tshwenyegilego ka sona, o ka bulegelwa ke sebaka sa go dira tšhišinyo yeo ba tlago go dumelelana le yona.

Ka lehlakoreng le lengwe, ge e ba o botega—gaešita le dilong tše dinyenyane—batswadi ba gago ba ka go bota le go feta nakong e tlago.

Dira gore batswadi ba gago ba go bote. Akanya ka monna yo a kolotago panka tšhelete. Ge e ba a lefa sekoloto sa gagwe kgwedi le kgwedi, panka e tla mmota gomme e ka buša ya mo dumelela go adima tšhelete e ntšinyana nakong e tlago.

Se se a swana le ka gae. O kolota batswadi ba gago go ba kwa. Ka gona, ge e ba o ba nyamiša ka mehla, o se ke wa makala ge ba se sa hlwa ba go bota.

 

 

Ithute ka mo go oketšegilego

Dipotšišo tša Bafsa, Bolumo 1

Tše dingwe tša ditaba tšeo di ahlaahlwago ka pukung ye di mabapi le bjala le dihlaretagi, thobalano e gobogilego, go ratana gotee le lefereyo.