Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

Na Beibele e ka go Thuša go Rarolla Mathata a Ditšhelete le a Dikoloto?

Na Beibele e ka go Thuša go Rarolla Mathata a Ditšhelete le a Dikoloto?

Karabo ya Beibele

Ee. Melao ya motheo ya Beibele e mene e latelago e ka go thuša ge o na le mathata a ditšhelete le a dikoloto:

  1. Rulaganya mokgwa wa go diriša tšhelete. Maano a motho yo mafolofolo a a mo hola, eupša mang le mang yo a akgofago o wela bohloking.” (Diema 21:5) O se ke wa fo kitimela go reka selo e le feela ka gobane theko ya sona e theošitšwe. Rulaganya mokgwa woo o tlago go diriša tšhelete ya gago ka wona gomme o o kgomarele.

  2. Phema go dira dikoloto go sa hlokagale. Moadimi ke mohlanka wa moadimiši.” (Diema 22:7) Ge e ba o šetše o na le dikoloto gomme o sa kgone go di lefa, leka go boledišana le bao o ba kolotago gore o rulaganye mokgwa o mofsa wa go ba lefa. O se ke wa langwa. Diriša keletšo ye ya Beibele go yoo ka go hloka bohlale a go adimilego tšhelete gomme bjale o mo kolotago: “Eya o ikokobetše go wa geno o phophothe go yena. O se ke wa lesa mahlo a gago a robala goba a otsela.” (Diema 6:1-5) Gaešita le ge kgopelo ya gago ya mathomo e ka se amogelwe, tšwela pele o kgopela mokgwa o mofsa wa go lefa sekoloto.

  3. E ba le pono e nepagetšego ka tšhelete. O se ke wa ba le boithati gomme wa fagahlela go huma—o tla diila wa hloka le pudi ya leleme le letala.” (Diema 28:22, Contemporary English Version) Lehufa le megabaru di ka dira gore motho a be le mathata a ditšhelete e bile a se be le nako ya dilo tša moya.

  4. Kgotsofala. Ge re na le dijo le diaparo re tla kgotsofala ka tšona.” (1 Timotheo 6:8) Tšhelete e ka se reke lethabo goba kgotsofalo. Bontši bja batho bao ba thabilego kudu lefaseng ga ba na tšhelete. Ba thabišwa feela ke go ratwa ke malapa a gabo bona le bagwera le go ba le tswalano e botse le Modimo.—Diema 15:17; 1 Petro 5:6, 7.

 

Ithute ka mo go oketšegilego

Go Phela ka Seo Motho a Nago le Sona—Kamoo go ka Dirwago ka Gona

Ithute kamoo go diriša melao ya motheo ya Beibele go ka go thušago ka gona go diriša tšhelete gomme wa phema dikoloto tše di sa nyakegego.