Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

Na Beibele e ka go Thuša ge o Swerwe ke Bolwetši bjo bo sa Alafegego?

Na Beibele e ka go Thuša ge o Swerwe ke Bolwetši bjo bo sa Alafegego?

Karabo ya Beibele

Ee. Modimo o na le taba le bahlanka ba gagwe bao ba babjago. Beibele e bolela ka mohlanka yo a botegago gore: “Jehofa yena o tla mo thekga ge a le malaong a gagwe a bolwetši.” (Psalme 41:3) Ge e ba o swerwe ke bolwetši bjo bo sa alafegego, megato e latelago e meraro e ka go homotša:

  1. Rapelela matla a gore o kgotlelele. O ka ba le “khutšo ya Modimo yeo e fetago kwešišo yohle ya batho” yeo e ka go thušago go kgotlelela go sa šetšwe mathata.—Bafilipi 4:6, 7.

  2. Eba le pono e nepagetšego. Beibele e re: “Pelo e thabilego e etša sehlare se se fodišago, eupša moya o nyamilego o omiša marapo.” (Diema 17:22) Leka gore o dule o thabile, ka ge se se ka fokotša manyami le go go hola mmeleng.

  3. Eba le kholofelo ka bokamoso. Kholofelo e tiilego e ka go thuša go thaba le ge o swerwe ke malwetši a sa alafegego. (Baroma 12:12) Beibele e re botša ka nako yeo go tla bego “go [se] na modudi yo a tla rego: ‘Ke a babja.’” (Jesaya 33:24) Ka nako yeo Modimo o tla alafa malwetši a sa alafegego ao thutamahlale ya mehleng yeno e sa kgonego go a alafa. Ka mohlala, Beibele e re botšofadi bo tla tlošwa ge e re: “Anke nama ya gagwe e be e nanana go feta bofseng; a a boele mehleng ya matla a bofseng bja gagwe.”—Jobo 33:25.

Tlhokomedišo: Gaešita le ge rena Dihlatse tša Jehofa re tšeela godimo thušo yeo Modimo a e neago, e bile re nyaka thušo ya dingaka malwetšing ao a sa alafegego. (Mareka 2:17) Lega go le bjalo, ga re kgothaletše mohuta o itšego wa kalafo; eupša re nagana gore motho yo mongwe le yo mongwe o swanetše go itirela phetho ditabeng tša mohuta wo.