Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

Puku ya Kutollo—Ke Eng Seo e se Bolelago?

Puku ya Kutollo—Ke Eng Seo e se Bolelago?

Karabo ya Beibele

Leina la Segerika la puku ya Beibele ya Kutollo, e lego A·po·ka′ly·psis (apocalypse), le bolela go “Bipolla” goba go “Utolla.” Leina le le hlalosa gabotse seo se bolelwago ke Kutollo—go bipolla ditaba tšeo di fihlilwego le ditiragalo tše di utilwego tšeo di tlago go direga nako e telele ka morago ga ge di ngwadilwe. Bontši bja diporofeto tše di sa tlo phethega.

Kakaretšo ya puku ya Kutollo

Ditsela tša go go thuša go kwešiša puku ya Kutollo

  1. Molaetša wa yona ke wo o kgahlišago, ga se o boifišago goba o tšhošago go bao ba hlankelago Modimo. Gaešita le ge ba bantši ba tswalanya lentšu “apocalypse” le kotsi e kgolo, puku ya Kutollo e thoma le go phetha ka mantšu ao a dirago gore bao ba e balago, le bao ba e kwešišago le go diriša molaetša wa yona ba tla thabišwa ke go dira seo.—Kutollo 1:3; 22:7.

  2. Kutollo e diriša “dipontšho,” goba maswao a mantši, ao a sa swanelwago go kwešišwa ka tsela ya kgonthe.—Kutollo 1:1.

  3. Pukung ya Kutollo go na le dipego tše dintši tše dikgolo le maswao ao go boletšwego ka ona pejana ka Beibeleng:

  4. Dipono di šoma “letšatšing la Morena,” leo le thomilego ge Mmušo wa Modimo o be o hlongwa ka 1914 gomme Jesu a thoma go buša e le Kgoši. (Kutollo 1:10) Ka gona, re ka letela gore phethagalo e kgolo ya Kutollo e direge mehleng ya rena.

  5. E le gore re kwešiše puku ya Kutollo, go nyakega dilo tšeo di re thušago go kwešiša dikarolo tše dingwe tša Beibele, go akaretša bohlale bjo bo tšwago go Modimo le thušo ya bao ba šetšego ba e kwešiša.—Ditiro 8:26-39; Jakobo 1:5.

Ithute ka mo go oketšegilego

Na o Swanetše go Boifa Bofelo bja Lefase?

O ka makatšwa ke seo ge e le gabotse Beibele e se bolelago ka bofelo bja lefase.

O Swanetše go Dira’ng Gore o Kwešiše Beibele?

Go sa šetšwe setlogo sa gago, o ka kgona go kwešiša molaetša wa Modimo wo o lego ka Mangwalong a Makgethwa.