Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

Na Jesu o Hwetše Sefapanong?

Na Jesu o Hwetše Sefapanong?

Karabo ya Beibele

Batho ba bantši ba lebelela sefapano e le leswao le le tlwaelegilego la Bokriste. Lega go le bjalo, Beibele ga e hlalose selo seo se dirišitšwego lehung la Jesu, ka baka leo ga go motho yo a ka tsebago sebopego sa sona ka go lebanya. Go dutše go le bjalo, Beibele e nea bohlatse bja gore Jesu ga se a hwela sefapanong, eupša o hwetše koteng.

Gantši Beibele e diriša lentšu la Segerika e lego stau·ros′ ge e bolela ka selo seo Jesu a hwetšego go sona. (Mateo 27:40; Johane 19:17) Gaešita le ge bafetoledi ba ile ba diriša lentšu “sefapano,” diithuti tše dintši di dumela gore ge e le gabotse le šupa go “kota.” * Go ya ka A Critical Lexicon and Concordance to the English and Greek New Testament, lentšu stau·ros′ “ga le šupe go dikota tše pedi tšeo di fapantšwego.”

Beibele gape e diriša lentšu la Segerika e lego xy′lon e le lehlalosetšagotee la lentšu stau·ros′. (Ditiro 5:30; 1 Petro 2:24) Lentšu le le šupa go “lepolanka,” “legong,” “kota” goba “mohlare.” * Ke ka baka leo The Companion Bible e phethago ka gore: “Ga go lentšu leo ka go Testamente e Mpsha ya Segerika le šupago go dikota tše pedi tšeo di fapantšwego.”

Na Modimo o dumela gore re diriše sefapano ge re rapela?

Crux simplex—polelwana ya Selatine yeo e šupago go kota e tee yeo go bego go fegwa disenyi mo go yona

Go sa šetšwe gore Jesu o hwetše godimo ga eng, ditherešo tše di latelago le ditemana tša Beibele di bontšha gore ga se ra swanela go diriša sefapano ge re rapela.

  1. Modimo o gana borapedi bjo bo dirišago diswantšho, go akaretša le sefapano. Modimo o laetše Baisiraele gore ba se diriše “seswantšho se se betlilwego sa sebopego le ge e le sefe” ge ba rapela, Bakriste ka mo go swanago ba kgothaletšwa gore ba ‘tšhabe borapedi bja medimo ya diswantšho.’—Doiteronomio 4:15-19; 1 Bakorinthe 10:14.

  2. Bakriste ba lekgolong la pele la nywaga ga se ba diriša sefapano ge ba rapela. * Dithuto le mokgwa wa baapostola o beela Bakriste mohlala woo ba swanetšego go o latela.—2 Bathesalonika 2:15.

  3. Go dirišwa ga sefapano borapeding go thomile boheiteneng. * Nywaga e makgolo ka morago ga lehu la Jesu, ge dikereke di be di aroga dithutong tša gagwe, ditho tše difsa tša kereke “di ile tša dumelelwa kudu go dula di na le maswao a tšona a boheitene,” go akaretša le sefapano. (The Expanded Vine’s Expository Dictionary of New Testament Words) Lega go le bjalo, Beibele ga e dumele gore ge motho a fetoga Mokriste o swanetše go tšwela pele a diriša maswao a boheitene.—2 Bakorinthe 6:17.

^ ser. 4 Bona New Bible Dictionary, Third Edition, yeo e ngwadilwego ke D. R. W. Wood, letlakala 245; Theological Dictionary of the New Testament, Bolumo VII, letlakala 572; The International Standard Bible Encyclopedia, Revised Edition, Bolumo 1, letlakala 825; le The Imperial Bible-Dictionary, Bolumo II, letlakala 84.

^ ser. 5 Bona The Expanded Vine’s Expository Dictionary of New Testament Words, letlakala 1165; A Greek-English Lexicon, yeo e ngwadilwego ke Liddell le Scott, Ninth Edition, matlakala 1191-1192; le Theological Dictionary of the New Testament, Bolumo V, letlakala 37.

^ ser. 9 Bona Encyclopædia Britannica, 2003, ka tlase ga “Cross”; The Cross—Its History and Symbolism, letlakala 40; le The Companion Bible, Oxford University Press, lemetletšo 162, letlakala 186.

^ ser. 10 Bona The Encyclopedia of Religion, Bolumo 4, letlakala 165; The Encyclopedia Americana, Bolumo 8, letlakala 246; le Symbols Around Us, matlakala 205-207.

 

Ithute ka mo go oketšegilego

Ke ka Baka La’ng Dihlatse tša Jehofa di sa Diriše Sefapano Borapeding bja Tšona?

Gaešita le ge re le Bakriste, ga re diriše sefapano borapeding bja rena. Ka baka la’ng?

Jesu Kriste ke Mang?

Ithute lebaka leo Jesu a ilego a hwa, seo se bolelwago ke topollo, le gore ke eng seo Jesu a se dirago gona bjale.