Karabo ya Beibele

Baganetši ba Jesu ba ile ba mo latofatša ka gore o itekanya le Modimo. (Johane 5:18; 10:30-33) Lega go le bjalo, Jesu le ka mohla ga se a ka a bolela gore o lekana le Modimo Ramatlaohle. O ile a re: “Tate o mpheta ka bogolo.”—Johane 14:28.

Balatedi ba pele ba Jesu ba be ba sa mo tšee a lekana le Modimo Ramatlaohle. Ka mohlala, moapostola Paulo o ngwadile gore ka morago ga gore Jesu a tsošwe bahung, Modimo ‘o ile a phagamišetša Jesu boemong bja godimo.’ Go molaleng gore Paulo o be a sa dumele gore Jesu e be e le Modimo Ramatlaohle. Ge nkabe Jesu e be e le Ramatlaohle, Modimo o be a ka mo phagamišetša bjang boemong bja godimo?—Bafilipi 2:9.